సాధారణంగా సినీ పరిశ్రమలో ఒక హీరో మిస్సయిన హిట్స్ మరో స్టార్ ఖాతాలో పడుతుంటాయి. అనుకోని కారణాలతో ఓ ప్రాజెక్ట్ నుంచి తప్పుకోవడం.. లేదా రిజెక్ట్ చేయడంతో ఆ స్టోరీని మరో హీరో ఓకే చేసేస్తాడు. అలా తమ కెరీర్లో అద్భుతమైన భారీ విజయాలను అందుకున్న మిస్ అయిన స్టార్స్ గురించి చెప్పక్కర్లేదు. అందులో మెగాస్టార్ చిరంజీవి కూడా ఒక‌రు. అయితే ఎన్నో బ్లాక్బస్టర్ సినిమాల్లో నటించిన చిరంజీవి కొన్ని కారణాల వల్ల కొన్ని బ్లాక్ బస్టర్ సినిమాలను మాత్రం వదులుకున్నాడట. ఆ లిస్ట్ ఏంటో ఇప్పుడు చూద్దాం.
మన్నెంలో మొనగాడు : కోడి రామకృష్ణ దర్శకత్వంలో ప్రేక్షకులు ముందుకు వచ్చిన ఈ సినిమా సూపర్ హిట్‌గా నిలిచింది. ముందుగా ఈ సినిమాను చిరంజీవితో చేయాలనుకున్నప్పటికీ ఆయన డేట్ లు అడ్జస్ట్ కాకపోవటంతో యాక్షన్ కింగ్ అర్జున్ హీరోగా ఈ సినిమా ప్రేక్షకుల ముందుకు వచ్చింది.
ఆఖరిపోరాటం : ఈ సినిమాను మొదట అశ్వినీ దత్ చిరంజీవితో సినిమా చేయాలని అనుకున్నాడు. కానీ డేట్స్ ఖాళీ లేకపోవడంతో నాగార్జున హీరోగా ఈ సినిమా వచ్చింది
అసెంబ్లీ రౌడీ : బి గోపాల్ దర్శకత్వంలో మోహన్ బాబు హీరోగా వచ్చిన అసెంబ్లీ రౌడీ సినిమాని కూడా ముందుగా చిరంజీవితో చేయాల్సి ఉంది కానీ ఈ సినిమాలో రాజకీయ నేపథ్యం ఉందని మరోవైపు తాను బిజీగా ఉన్నానని చిరు వదులుకోవడంతో మోహన్ బాబు చేసి సూపర్ హిట్ కొట్టాడు.
నెంబర్ వన్ : ఎస్ వి కృష్ణారెడ్డి దర్శకత్వంలో వచ్చిన నెంబర్ వన్ సినిమాలో కూడా ముందుగా చిరంజీవి నటించాల్సి ఉంది కానీ ఆయన డేట్స్ ఖాళీ లేకపోవడంతో సూపర్ స్టార్ కృష్ణ ఈ సినిమా చేశారు. ఈ సినిమా కూడా సూపర్ హిట్ అయింది.
సాహస వీరుడు సాగర కన్య : ఇలాంటి కథతోనే వచ్చిన కొన్ని సినిమాలు పెద్దగా ప్రేక్షకులు ఆదరణకు నోచుకోకపోవడంతో ఇక ఈ సినిమా చేయడానికి రిస్క్ చేయలేదు చిరంజీవి. కానీ వెంకటేష్ ఇదే సినిమాతో సూపర్ హిట్ అందుకున్నాడు.
చంద్రముఖి :: బిఎస్ ఆదిత్య సినిమాను చిరంజీవితో చేయాలని అనుకున్నారు. ఇక ఆయన డేట్స్ కోసం ఎన్నో రోజులు ఎదురు చేశారు. కానీ చివరికి ఈ సినిమా రజనీకాంత్ తో చేయగా సూపర్ హిట్ అయింది.
టైగర్ నాగేశ్వరరావు : రవితేజ హీరోగా ప్రస్తుతం షూటింగ్ జరుపుకుంటున్న టైగర్ నాగేశ్వరరావును కూడా ముందుగా చిరంజీవితో తీయాలని అనుకున్నారు. కానీ చిరంజీవికి కథ నచ్చకపోవడంతో రిజెక్ట్ చేశారు.