నందమూరి బాలకృష్ణ హీరోగా గోపీచంద్ మలినేని దర్శకత్వంలో వస్తున్న వీర సింహారెడ్డి సినిమా వచ్చే సంక్రాంతి కానుకగా జనవరి 12న ప్రేక్షకుల ముందుకు రాబోతుంది. ఇక ఈ సినిమా ప్రమోషన్ కార్యక్రమాలు కూడా ఇప్పటికే చిత్ర యూనిట్ మొదలుపెట్టింది. ఇక ఈనెల ఆరో తేదీన ఈ సినిమా ప్రి రిలీజ్ ఈవెంట్ ఒంగోలులో భారీ స్థాయిలో నిర్వహించబోతున్నారు. ఈవెంట్ కన్నా ముందు అభిమానులకు ఓ బిగ్ సర్ప్రైజ్ చేస్తూ ఈ సినిమా ట్రైలర్ కు సంబంధించిన ఈవెంట్‌ను నిర్వహించేందుకు సినిమా యూనిట్ ఏర్పాట్లు చేస్తున్నారట.
ఇక ఈ సినిమా ట్రైలర్ ఈవెంట్ ను వైజాగ్ ఆర్కే బీచ్ లో మరో రెండు రోజుల్లో నిర్వహించేందుకు శరవేగంగా ఏర్పాట్లు జరుగుతున్నాయి. ఫ్రీ రిలీజ్ ఈవెంట్ కు సంబంధించిన అప్డేట్ కూడా ఇచ్చిన చిత్ర యూనిట్ ఇక ఈ రెండు ఈవెంట్‌ల‌తో కూడా ప్రమోషన్ల మాత మోగించాలని ప్లాన్ చేస్తున్నారు. ఇప్పటికే వీర సింహారెడ్డి సినిమా యొక్క ప్రమోషన్లు, ఇంటర్వ్యూలు మొదలయ్యాయి. బాలకృష్ణ కూడా గ‌తంలో మాదిరిగా కాకుండా ఇటీవ‌ల తన సినిమాల ప్రమోషన్ల విషయంలో చాలా చురుగ పాల్గొంటున్నాడు.
అందులోను బాలయ్య సినిమాలను ప్రమోషన్ చేసే విషయమై దృష్టి పెట్టాడు. దాదాపుగా పది రోజుల పాటు వీర సింహారెడ్డి సినిమా యొక్క ప్రమోషన్ కార్యక్రమాలకు బాలయ్య డేట్లు కేటాయించాడట. అఖండ రేంజ్ లో ఈ సినిమా విజయాన్ని సొంతం చేసుకుంటుందనే నమ్మకం ప్రతి ఒక్కరిలో కనిపిస్తుంది. సంక్రాంతి విజేత కూడా మా బాలయ్య అంటూ ఫ్యాన్స్ అప్పుడే ప్రచారం మొద‌లు పెట్టారు.