నందమూరి హీరో, మెగా హీరో ఓకే ఫ్రేమ్ లో కనిపిస్తే అభిమానులకు కన్నుల పండగే. అలాంటి అరుదైన సందర్భమే తాజాగా చోటుచేసుకుంది. నటసింహం నందమూరి బాలకృష్ణ, పవర్ స్టార్ పవన్ కళ్యాణ్ కలిశారు. ఇందుకు సంబంధించిన ఫోటో ప్రస్తుతం సోషల్ మీడియాను ఓ రేంజ్ లో షేక్ చేస్తోంది. ప్రస్తుతం బాలకృష్ణ గోపీచంద్ మలినేని దర్శకత్వంలో `వీర సింహారెడ్డి` సినిమా చేస్తున్న సంగతి తెలిసింది.
ఇందులో శ్రుతిహాసన్ హీరోయిన్ గా నటిస్తోంది. వచ్చే ఏడాది సంక్రాంతి కానుక జనవరి 12న ఈ చిత్రం విడుదల కాబోతోంది. టాకీ కంప్లీట్ మొత్తం కంప్లీట్ అయింది. ఇంకా ఒక సాంగ్ మాత్రమే బ్యాలెన్స్ ఉంది. ప్రస్తుతం ఆ సాంగ్ ను చిత్రీకరించే పనిలోనే మేకర్స్ ఉన్నారు. అన్నపూర్ణ స్టూడియోలో ఈ సాంగ్ కోసం సెట్ వేశారు. ప్రేమ్ రక్షిత్ మాస్టర్ నేతృత్వంలో బాల‌య్య, శ్రుతి హాస‌న్ ల‌పై ఈ సాంగ్ ను షూట్ చేస్తున్నారు.
అయితే అక్కడికి పవన్ కళ్యాణ్ వెళ్ళారు. ఆయనతో పాటు `హరి హర వీర మల్లు` దర్శకుడు క్రిష్ జాగర్లమూడి, నిర్మాత ఏయం రత్నం ఉన్నారు. కాసేపు హీరోలు ఇద్దరూ సరదాగా ముచ్చటించుకున్నారు. `వీరసింహారెడ్డి` సెట్‌లో `హరిహర వీరమల్లు` యూనిట్‌ సందడి చేయడం ఆసక్తికరంగా మారింది. ఈ సందర్భంగా దిగిన ఫోటో ఇప్పుడు సోషల్ మీడియాలో ట్రెండ్ అవుతుంది. ఈ పిక్ ను అభిమానులు తెగ మురిసిపోతున్నారు.
https://www.instagram.com/p/CmgyH72SsQu/?utm_source=ig_web_copy_link