నందమూరి బాలకృష్ణ ప్రస్తుతం తన కెరియర్ లో వరుస సినిమాలతో దూసుకుపోతున్నాడు. గత సంవత్సరం అఖండతో తన కెరీర్ లోనే బిగ్గెస్ట్ హిట్ అందుకున్న బాలయ్య ఇక ఆ తర్వాత బుల్లితెరపై కూడా తన హవా చూపిస్తూ అన్ స్టాపబుల్ షో తో అదిరిపోయే క్రేజ్ తెచ్చుకున్నాడు. ప్రస్తుతం గోపీచంద్ మలినేని దర్శకత్వంలో నటిస్తున్న ‘వీర సింహారెడ్డి’ కూడా వచ్చే సంక్రాంతి కానుకగా జనవరి 12న ప్రేక్షకులు ముందుకు రాబోతుంది. ఇప్పటికే ఈ సినిమా నుంచి విడుదలైన టీజర్, పోస్టర్స్ అభిమానుల్లో రచ్చ లేపుతున్నాయి.
వాటితో పాటు మాస్ ఆంథమ్ గా వచ్చిన ‘జై బాలయ్య’ పాట రీసెంట్ గా వచ్చిన ‘సుగుణసుందరి’ పాట కూడా ప్రేక్షకులను విపరీతంగా ఆకట్టుకుంటున్నాయి. ఈ సినిమా సంక్రాంతికి ప్రేక్షకుల ముందుకు రాబోతుంది. అయితే ఇప్పుడు సంక్రాంతికి బాలయ్యకు ఉన్న అభినాభావ సంబంధం గురించి మనం కొత్తగా చెప్పనక్కర్లేదు.. అందులోనూ సింహ అనే పదంతో వచ్చి ఇండస్ట్రీ హిట్ కొట్టిన హిస్టరీ బాలయ్యకు ఉంది.
రాబోయే సంక్రాంతికి బాలయ్య+ సంక్రాంతి కలిసి వస్తే బాక్సాఫీస్ బరిలో తుఫాను అంటూ ఓ వీడియో సోషల్ మీడియాలో చెక్కర్లు కొడుతుంది. ఇక వీడియోలో ‘సమరసింహారెడ్డి’, ‘నరసింహనాయుడు’, ‘లక్ష్మీనరసింహ’, ‘గౌతమీపుత్ర శాతకర్ణి’, ‘జై సింహా’ సినిమాలు సంక్రాంతి కానుకగా వచ్చి సెన్సేషనల్ హిట్‌గా నిలిచాయి. ఆ సంగతులను గుర్తు చేస్తూ క్రియేట్ చేసిన వీడియో చూస్తుంటే బాలయ్య అభిమానుల రోమాలు నిక్కబొడుచుకుంటున్నాయంటూ ఫ్యాన్స్ తెగ షేర్ చేస్తున్నారు.
ప్రస్తుతం ఈ వీడియో సోషల్ మీడియాలో వైరల్ గా మారింది. ఆ వీడియో కి ‘రికార్డుల ఊచ కోత మొదలవనుంది. ఇక ట్రైలర్ కోసం వేటింగ్.. బాక్సాఫీస్ ఊపిరి పీల్చుకో.. వీర సింహారెడ్డి వచ్చేస్తున్నాడు’.. అంటూ క్యాప్షన్ కూడా ఇచ్చాడు. ఈ వీడియో బాలయ్య అభిమానులను ఎంతగానో ఖుషి చేస్తుంది. బాలయ్యకు కలిసి వచ్చిన సంక్రాంతి సీజన్ రాబోయే సంక్రాంతి కూడా బాలయ్యకు అఖండను మించి అదిరిపోయే హిట్ ఇస్తుంది అంటూ అభిమానులు కామెంట్లు పెడుతున్నారు.
ఈ సినిమాలో బాలయ్యకు జంటగా శృతిహాసన్ నటిస్తుండగా ఈ సినిమాలో బాలయ్యకు విలన్ గా కన్నడ స్టార్ హీరో ‘దునియా’ విజయ్ నటిస్తున్నాడు. ఈ సినిమాల్లో ఒక పాటినహా సినిమా షూటింగ్ మొత్తం పూర్తయింది. త్వరలోనే అది కూడా కంప్లీట్ చేసి అనిల్ రావిపూడి సినిమా షూటింగ్లో బిజీ అవ్వాలని బాలయ్య చూస్తున్నాడు.
#NBK + #Sankranthi = Box Office Storm🔥🔥
సంక్రాంతి సింహం వేటకు సిద్ధం 🦁
The GOD OF MASSES is set to conquer the Box Office this Sankranthi🔥
Be Ready to witness mass Hysteria💥#VeeraSimhaReddyonJan12th#VeeraSimhaReddy @megopichand #NandamuriBalakrishna #GodofMassesNBK pic.twitter.com/5XT5DrzNCC
— manabalayya.com 💬 (@manabalayya) December 16, 2022