తెలుగు సినీ పరిశ్రమలో సువర్ణ అక్షరాలతో లిఖించబడిన అద్భుతమైన చిత్రాలలో మాయాబజార్ చిత్రం కూడా ఒకటి . ఎన్ని తరాలు మారిన ఈ చిత్రం యొక్క చరిత్ర ఇప్పటికీ మారలేదని చెప్పవచ్చు. ఇప్పటికీ ఈ సినిమా హవా కొనసాగుతోంది. ఇలాంటి అద్భుత దృశ్య కావ్యాన్ని ప్రేక్షకుల ముందుకు తీసుకురావాలని ఆలోచన రావడం అభినందనీయం. 1957 మార్చి 27న విడుదలైన మాయాబజార్ చిత్రం ఇప్పటికీ 65 సంవత్సరాలు పూర్తి చేసుకుంది. ఈ సినిమా టీవీలలో బ్లాక్ అండ్ వైట్ లలో చూసిన వారు కూడా థియేటర్లో అద్భుతాన్ని చూసి అవకాశం రావడం ఇప్పుడు అదృష్టం అని చెప్పవచ్చు.
మాయాబజార్ చిత్రాన్ని గోల్డ్ స్టోన్ టెక్నాలజీ వారు కలర్ మరియు డిజిటల్ ఫార్మాట్లో కన్వర్ట్ చేసి విడుదల చేయబోతున్నారు. ఈ చిత్రాన్ని మార్చడానికి వీలుపడని కొన్ని సీన్లను వదిలేసారట. 2010 జనవరి 30 న కలర్ వెర్షన్ విడుదల చేయగా.. చూసిన వాళ్లంతా కన్వర్ట్ చేసినవాళ్ల ప్రయత్నం అనేది మెచ్చుకోదగ్గదే కానీ సీన్లు తీయడం వల్ల సోల్ మిస్ అయిందని చెప్పుకు రావడం జరిగింది. దీంతో ఇప్పుడు మరొకసారి ఈ చిత్రానికి మెరుగులు దిద్ది మళ్ళీ ప్రేక్షకుల ముందుకు తీసుకురాబోతున్నారు.
మాయాబజార్ చిత్రం డిసెంబర్ 9వ తేదీన రెండు తెలుగు రాష్ట్రాలలో కొన్ని ఏరియాలలో విడుదల చేయబోతున్నారు. అందుకు సంబంధించి.. హైదరాబాద్ ఆర్టీసీ క్రాస్ రోడ్ లో సంధ్య -35 MM థియేటర్లలో, అలాగే కూకట్ పల్లి విశ్వనాథ లాంటి సింగిల్ స్క్రీన్ తో పాటు, మూసాపేట లక్ష్మీ కళ, ప్రసాద్ ఐమాక్స్, గచ్చిబౌలి AMB సినిమాస్ తో పాటు అన్ని పాపులర్ మల్టీప్లెక్స్ లో కూడా మాయాబజార్ సినిమాని విడుదల చేయబోతున్నారు. ఈ చిత్రంలో ముఖ్యంగా ఎన్టీఆర్, ఏఎన్నార్, ఎస్వీఆర్, సావిత్రి ఎంతో అద్భుతంగా నటించారు.