గ్లోబల్ స్టార్, మాజీ విశ్వసుందరి ప్రియాంక చోప్రా తలకు తీవ్రంగా గాయమైంది. ప్రస్తుతం ప్రియాంక `సిటాడెల్` అనే యాక్షన్ వెబ్ సిరీస్ లో నటిస్తోంది. ప్రస్తుతం ఈ సిరీస్ షూటింగ్ లండన్ లో జరుగుతుండంగా.. ప్రియాంక కూడా షూటింగ్లో పాల్గొంటోంది.
అయితే ఈ సమయంలోనే ప్రియాంక గాయపడింది. ఈ విషయాన్ని తానే స్వయంగా ఇన్స్టాగ్రామ్ వేదికగా తెలిపింది. ప్రియాంక పోస్ట్ చేసిన ఫొటోలలో మొహంపై మొత్తం రక్తం మరకలే ఉన్నాయి. ఇది చూస్తే భారీ గాయమైనట్లు కనిపిస్తోంది.
ప్రస్తుతం ప్రియాంక పిక్స్ నెట్టింట వైరల్గా మారాగా.. అవి చూసిన అభిమానులు తెగ కంగారు పడిపోతున్నారు. కాగా, ప్రియాంక నటిస్తున్న సిటాడెల్ వెబ్ సిరీస్ త్వరలోనే అమెజాన్ ప్రైమ్ లో విడుదల కానుంది. ఇందులో ప్రియాంక ఓ గూఢచారి పాత్ర పోషిస్తోంది.