సూపర్‌ స్టార్‌ రజనీకాంత్‌, డైరెక్ట‌ర్ శివ కాంబోలో తెర‌కెక్కుతున్న తాజా చిత్రం అన్నాత్తే. నయనతార, కీర్తిసురేష్‌, జగపతిబాబు, ఖుష్బు, మీనా కీలక పాత్రలు పోషిస్తున్న ఈ చిత్రం సన్ పిక్చర్స్ పతాకంపై నిర్మితమవుతోంది. ఈ క్రేజీ ప్రాజెక్టుని దీపావళి కానుకగా నవంబరు 4న విడుదల చేయనున్నారని ఎప్పటి నుంచో తమిళ సినీ వర్గాల్లో ప్ర‌చారం జ‌రుగుతోంది.
కానీ కరోనా కారణంగా మూవీ షూటింగ్ పలు మార్లు నిలిచిపోయింది. ఈ క్ర‌మంలోనే అనుకున్న సమయానికే విడుదల అవుతుందా? అవ్వదా? అని సందేహం అంద‌రిలోనూ నెల‌కొంది. అయితే తాజాగా విడుదల విష‌యంలో అన్నాత్తే మేక‌ర్స్ రజనీ ఫ్యాన్స్‌క‌కు గుడ్ న్యూస్ చెప్పారు.
దీపావళి కానుకగా నవంబర్ 4నే సినిమాను విడుదల చేస్తున్నట్లు గురువారం ఓ పోస్టర్‌ను విడుదల చేశారు. ప్ర‌స్తుతం ఈ పోస్టర్ వైర‌ల్‌గా మారింది. ఇక పండగకి రజనీ సినిమా వస్తే ఆయన అభిమానులకు పండగే పండగ.