పెళ్లి త‌ర్వాత కూడా టాలీవుడ్‌లో టాప్ హీరోయిన్‌గా దూసుకుపోతున్న సమంత.. ఇటీవ‌ల భార్త నాగ‌చైత‌న్య‌తో విడిపోయిన సంగ‌తి తెలిసిందే. చైతుతో విడిపోవడానికి రెండు నెలల ముందు సమంత తన ఇన్‌స్టాగ్రామ్‌ నుంచి అక్కినేని పేరుని తీసింది. ప్ర‌స్తుతం ఒంటరిగానే ఉంటున్న సామ్‌.. సినీ కెరీర్‌పై ఫుల్ ఫోక‌స్ పెట్టి నచ్చిన సినిమాల‌ను ఒప్పుకుంటూ పోతోంది.
అయితే ఇప్పుడు ఈమె బాట‌లోనే గ్లోబ‌ల్ బ్యూటీ ప్రియాంక చోప్పా కూడా న‌డ‌బోతోంద‌ని.. త్వ‌ర‌లోనే భర్త నిక్ జోనాస్‌కి బై బై చెప్పునుంద‌ని జోరుగా ప్ర‌చారం జ‌రుగుతోంది. అయితే ఉన్న‌ట్టుండి ఈ ప్ర‌చారం జ‌ర‌గ‌డానికి కార‌ణం లేక‌పోలేదు.. ప్రియాంక చోప్రా తన ఇన్‌స్టాగ్రామ్‌ ప్రోఫైల్‌ పేరు నుంచి భర్త నిక్ జోనస్‌ పేరును తొలిగించింది.
దీంతో అది చూసి ఆమె ఫ్యాన్స్, ఫాలోవర్స్‌ అంతా షాక్‌కు గురవుతున్నారు. నిక్ పేరును ప్రియాంక ఎందుకు తొల‌గించింది..? వీరిద్దరి మ‌థ్య ఏమైనా మ‌న‌స్ప‌ర్థ‌లు త‌లెత్తాయా..? త్వ‌ర‌లోనే ఈ జంట విడిపోబోతోందా..? అంటూ ర‌క‌ర‌కాల ప్ర‌శ్న‌ల‌ను తెర‌పైకి తెస్తున్నాడు నెటిజ‌న్లు. అంతే కాదు, ప్రియాంక చోప్రా ఇన్‌స్టా అకౌంట్‌ నేమ్‌ స్క్రీన్‌ షాట్లని సోషల్‌ మీడియాలో తెగ వైరల్‌ చేస్తున్నారు.
కాగా, బాలీవుడ్‌, హాలీవుడ్‌లలో మోస్ట్‌ లవబుల్‌ కపుల్‌గా పేరు తెచ్చుకున్న ప్రియాంక చోప్రా-నిక్ జోనాస్ జోడీ.. 2018లో పెద్దలను ఒప్పించి ప్రేమ వివాహం చేసుకున్నారు. అన్ని విషయాల్లోనూ వీరిద్దరు ఆదర్శ జంటగా రాణిస్తున్నారు. వీరిద్దరి సంబంధించిన ఫోటోలు నిత్యం నెట్టింట వైరల్‌గా మారుతున్నాయి. ఈ జంట‌ను చూపి అభిమానులు తెగ మురిసిపోతూ ఉంటారు. అయితే అనూహ్యంగా ఇప్పుడు ప్రియాంక్ ఇన్‌స్టా అకౌంట్‌ నుంచి భర్త పేరుని తొల‌గించ‌డం హాట్ టాపిక్‌గా మారింది.
