పాయల్ రాజ్‌పుత్‌.. ఈ పేరుకు ప‌రిచ‌యాలు అవ‌స‌రం లేదు. `ఆర్ఎక్స్ 100` సినిమాతో తెలుగు ఇండ‌స్ట్రీలో అడుగు పెట్టిన ఈ హాట్ బ్యూటీ.. మొద‌టి సినిమాలోనే ఓ రేంజ్‌లో అందాలు ఆర‌బోసి ఫుల్ క్రేజ్ సంపాదించుకుంది. ప్ర‌స్తుతం వ‌రుస సినిమాల‌తో బిజీగా ఉన్న ఈ బ్యూటీపై పోలీస్ కేసు నమోదు అయింది. ఇంత‌కీ పాయల్ ఏం త‌ప్పు చేసింది.. అస‌లు జ‌రిగిందో తెలియాలంటే లేట్ చేయ‌కుండా మ్యాట‌ర్‌లోకి వెళ్లాల్సిందే.
పాయల్ పెద్దపల్లిలో వెంకటేశ్వర షాపింగ్‌ మాల్‌ ప్రారంభోత్సవంలో పాల్గొన్నారు. గత నెల 11న ఈ కార్యక్రమం జరిగింది. అయితే ఆ సమయంలో పాయల్, షాపు యాజమాన్యం మాస్కులు ధరించకుండా, భౌతిక దూరంగా పాటించకుండా కోవిడ్‌ నిబంధనలను ఉల్లంఘించారని పెద్దపల్లికి చెందిన బొంకూరి సంతోష్‌ కోర్టులో ఫిర్యాదు చేశారు.
జూనియర్‌ సివిల్‌ ఇన్‌చార్జి జడ్జి పార్థసారథి సిఫార్సు మేరకు కేసు నమోదు చేసినట్లు ఎస్‌ఐ రాజేశ్‌ తెలిపారు. ప్ర‌స్తుతం విచార‌ణ జ‌రుగుతున్న‌ట్టు తెలుస్తోంది. ఇక షాప్ ఓపినింగ్ ఏమో కానీ ఈ ముద్దుగుమ్మ క‌రోనా నిబంధనలు ఉల్లంఘించి అడ్డంగా బుక్కైంది.