ఆది పురుష్.. ప్రస్తుతం ఎక్కడ చూసినా సరే ఇదే మేనియా నడుస్తోంది. ప్రముఖ బాలీవుడ్ డైరెక్టర్ ఓం రౌత్ దర్శకత్వంలో రెబల్ స్టార్ ప్రభాస్ హీరోగా, బాలీవుడ్ బ్యూటీ కృతిసనన్ హీరోయిన్గా నటిస్తున్న చిత్రం ఇది. ఈ సినిమా విడుదల తేదీ దగ్గర పడుతుండడంతో ప్రమోషన్స్ వేగం పెంచింది చిత్ర బృందం. ఈ క్రమంలోనే జూన్ 6వ తేదీన మంగళవారం తిరుపతిలో ఆది పురుష్ ప్రీ రిలీజ్ ఈవెంట్ ను చాలా గ్రాండ్గా నిర్వహించారు మేకర్స్. ముఖ్యంగా ఈ వేడుకకు లక్షకు పైగానే అభిమానులు వచ్చినట్లు తెలుస్తోంది. ఇక చిన్న జీయర్ స్వామీజీ కూడా ఈ కార్యక్రమానికి ముఖ్యఅతిథిగా విచ్చేసిన విషయం తెలిసిందే.
ఇకపోతే ఈ కార్యక్రమానికి ఎంత ఖర్చు చేశారు అన్నది ఇప్పుడు మరింత హాట్ టాపిక్ గా మారింది. ఎన్నో అంచనాల మధ్య జూన్ 16వ తేదీన అంటే వచ్చే శుక్రవారం విడుదల కాబోతున్న ఈ సినిమా కోసం దేశవ్యాప్తంగా సినిమా ప్రజలు ఎంతగానో ఎదురు చూస్తున్నారు. ఇప్పటికే సినిమా నుంచి విడుదలైన ట్రైలర్ ,పోస్టర్, పాటలు అన్నీ కూడా ప్రేక్షకులను విపరీతంగా ఆకట్టుకుంటున్నాయి. ఇకపోతే ఈ సినిమా ప్రీ రిలీజ్ ఈవెంట్ కోసం ఏకంగా రూ.3 కోట్ల వరకు ఖర్చు చేసినట్లు వార్తలు వినిపిస్తున్నాయి.
ఇక తిరుపతిలోని శ్రీ వెంకటేశ్వర యూనివర్సిటీ స్టేడియంలో జరిగిన ఈ వేడుకకు రూ. 50 లక్షల విలువైన క్రాకర్స్ ఏర్పాటు చేశారట. అలాగే డైరెక్టర్ ప్రశాంత్ వర్మ ఆధ్వర్యంలో అయోధ్య సెట్ ఏర్పాటు చేశారని.. ఈ కార్యక్రమానికి సంబంధించిన అన్ని పనులను కూడా ఆయనే దగ్గరుండి మరీ చూసుకున్నారని సమాచారం. ఇకపోతే ఈ సినిమా కోసం దాదాపు 7 నెలలుగా ఎవరు నిద్రపోలేదు అని ఓం రౌత్ లాంటి కష్టపడే దర్శకుడుని తన 20 ఏళ్ల సినీ కెరియర్ లో ఎప్పుడూ చూడలేదు అని ఆయన పై ప్రశంసల వర్షం కురిపించారు ప్రభాస్.