నంద‌మూరి బాలకృష్ణ తొలిసారి హోస్ట్ చేస్తున్న షో `అన్ స్టాపబుల్ విత్ ఎన్‌బీకే`. ప్రముఖ తెలుగు ఓటీటీ సంస్థ ఆహాలో ఈ టాక్ షో నవంబరు 4 నుండీ ప్ర‌సారం కాబోతోంది. ప్ర‌శాంత్ వ‌ర్మ డైరెక్ట్ చేస్తున్న ఈ షో లో సినీ ప్ర‌ముఖుల‌ను బాలయ్య త‌న‌దైన శైలిలో ఇంట‌ర్వ్యూ చేయ‌నున్నారు.
ప్ర‌స్తుతం ఈ షోకు సంబంధించి షూటింగ్ జ‌రుగుతుండ‌గా.. కొన్ని వర్కింగ్ స్టిల్స్ బ‌య‌ట‌కు వ‌చ్చి నెట్టింట వైర‌ల్‌గా మారాయి. ఇక ఆ స్టిల్స్‌లో బాలయ్య ఎంతో యాక్టివ్‌గా, ఎన‌ర్జిటిక్‌గా క‌నిపిస్తుండ‌టంతో నంద‌మూరి ఫ్యాన్స్ తెగ మురిసిపోతున్నారు.
అన్ని షోల మాదిరి ఇందులో ఓపెన్ టాక్ ఏం ఉండదు. మనిషిలోని రియాలిటీని బయటికి తీసుకొచ్చే షో ఇది. ఇప్పటి వరకు వచ్చిన షోలు ఒకెత్తు అయితే.. తన షో మాత్రం మరో ఎత్తు అని అంటున్నారు బాలయ్య. దాంతో ఈ షోపై భారీ అంచ‌నాలు ఏర్ప‌డ్డాయి. ఈ క్ర‌మంలోనే బాల‌య్య‌ను ఎప్పుడెప్పుడు హోస్ట్‌గా స్క్రీన్‌పై చూద్దామా అని సినీ ప్రియులు ఈగ‌ర్‌గా వెయిట్ చేస్తున్నారు.
