టాలీవుడ్ యంగ్ టైగర్ ఎన్టీఆర్.. బాలీవుడ్ గ్రీకువీరుడు హృతిక్ రోషన్ కాంబోలో రూపొందిన బిగ్గెస్ట్ స్పై యాక్షన్ థ్రిల్లర్ వార్ 2. ఆయాన్‌ ముఖర్జీ డైరెక్షన్‌లో కియారా అద్వానీ హీరోయిన్‌గా మెరిసిన ఈ సినిమా.. ఆగస్టు 14న గ్రాండ్ లెవెల్‌లో రిలీజ్ అయిన సంగతి తెలిసిందే. ఇక.. అదే రోజున కోలీవుడ్ సూపర్ స్టార్ రజినీకాంత్, సెన్సేషనల్ డైరెక్టర్ లోకేష్ కనకరాజ్‌ కాంబోలో.. కూలి మూవీ తెర‌కెక్కింది. రెండు సినిమాల మధ్యన భారీ క్లాష్ నెలకొంది.
ఇక ఈ భారీ క్లాష్ కోసం.. యావత్ ఇండియన్ సినీ ఇండస్ట్రీ అంతా ఎంతగానో ఎదురు చూసింది. రెండు సినిమాల్లో ఎవరు విన్నార్‌గా నిలుస్తారని ఆసక్తి అందరిలోనూ మొదలైంది. నిన్నటి వరకు.. సినిమా ఓపెన్ బుకింగ్స్‌లో వార్ 2 ను మించిపోయి కూలీ కలెక్షన్ల రికార్డులు క్రియేట్ చేసింది. ఓపెనింగ్ బుకింగ్స్ లో జోరు చూపించింది.ఈ క్రమంలోనే డే 1 ముందు వరకు కూడా.. బుక్ మై షో హావర్లీ ట్రెండింగ్‌లో కూలి నిలిచింది.
అయితే.. తాజాగా రెండు సినిమాలు రిలీజ్ అయిన తర్వాత కూలి సినిమాకు వచ్చిన క్రేజ్ ముందు వార్ 2 కాస్త డౌన్ అయినట్లు కనిపించినా.. ఇప్పుడు డే 2 రిజల్ట్‌లో వార్ 2 కూలి పై డామినేషన్‌ను చూపించింది. ఉదయం కూలీ 13 వేల టికెట్లతో ట్రెండింగ్ లో ఉంటే.. వార్ 2 ఏకంగా 14 వేల టికెట్లతో టాప్ గా నిలిచింది. ఇది గంట గంటకు మరింతగా పెరుగుతున్న క్రమంలో.. మధ్యాహ్నానికి కూలి రూ.39వేల టికెట్స్ తో ఉంటే.. వార్ 2 ఏకంగా.. రూ.61 వేల టికెట్స్ తో ర్యాంపేజ్‌ చూపించింది. మొత్తానికి డేటు నుంచి వార్ 2 లెక్కలు మారనున్నాయ‌ట. ఈ క్రమంలోనే సెకండ్ డే కలెక్షన్స్ లో కూలీ రికార్డ్‌ను వార్ 2 బ్రేక్ చేస్తుందంటూ అభిప్రాయాలు వ్యక్తమవుతున్నాయి.