టాలీవుడ్ ఇండస్ట్రీలో బన్నీ – త్రివిక్రమ్ కాంబో ఓ మ్యాజిక్ కాంబో. వీరిద్దరి కాంబోలో తెర‌కెక్కిన సినిమాలన్నీ టాలీవుడ్ లో మంచి విజయాలను అందుకున్నాయి. ఇప్పటివరకు బన్నీ – త్రివిక్రమ్ క‌లిసి మూడు సినిమాలను చేశారు. జులాయి, సన్నాఫ్ సత్యమూర్తి, అల వైకుంఠ‌పురంలో ఈ మూడు సినిమాలు ఆడియన్స్‌ను విపరీతంగా ఆకట్టుకున్నాయి. అయితే తాజాగా వీరిద్దరి కాంబోకు సంబంధించిన మరో ఇంట్రెస్టింగ్ అప్డేట్ నెట్టింట వైరల్ గా మారుతుంది. బాలయ్యకు ఎంతగానో నచ్చిన ఓ కథతో.. బన్నీ, త్రివిక్రమ్ నాలుగో సినిమా రూపొందనుందని వార్తలు వైరల్ అవుతున్నాయి.
ఇక నందమూరి నట‌సింహం బాలకృష్ణ.. గతంలోనే ఓ సందర్భంగా ఛాంగిస్ ఖాన్ జీవిత చరిత్ర ఆధారంగా తెర‌కెక్కనున్న సినిమాలో హీరోగా నటిస్తానంటూ చెప్పుకొచ్చాడు. ఇప్పుడు అదే కథను బన్నీ హీరోగా త్రివిక్రమ్ తెర‌కెక్కించ‌నున్నాడ‌ట. వీరిద్దరి కాంబోలో రూపొందుతున్న ఈ సినిమా బడ్జెట్ ఏకంగా రూ.700 కోట్లు ఉంటుందని టాక్ . మొదట మైథాలజికల్ కాన్సెప్ట్‌తో సినిమా రూపొందుతుందని వార్తలు వినిపించిన.. ఇప్పుడు దానికి భిన్నంగా కథ తరికెక్కుతుండడం హాట్ టాపిక్ గా మారింది. ఇక బన్నీతో త్రివిక్రమ్ తెరకెక్కించబోయే ఈ సినిమా ఆయ‌న కెరీర్‌లోనే మొట్టమొదటి పాన్ ఇండియన్ మూవీ కావడంతో.. ఈ సినిమాతో ఎలాగైనా సరికొత్త రికార్డు క్రియేట్ చేయాలని ప్లానింగ్ లో ఉన్నాడట త్రివిక్రమ్.
ఛాంగిస్ ఖాన్ జీవిత చరిత్రతో భారీ సినిమా రూపొందించడానికి.. అవసరమైన కథ, కథనాలను కూడా సిద్ధం చేసుకున్నట్లు తెలుస్తుంది. ఇక బన్నీ గతంలో రుద్రమదేవి ప్రాజెక్టులో ప్రధాన పాత్రలో నటించి భారీ సక్సెస్ అందుకున్నాడు. ఈ క్రమంలోనే బన్నీ – త్రివిక్రమ్ కాంబోలో నాలుగో సారి కూడా రూపొంద‌నున్న ఈ భారీ బడ్జెట్ పాన్ ఇండియన్ మూవీ.. బ్లాక్ బస్టర్ సక్సెస్ అందుకుని రికార్డులు క్రియేట్ చేయడం ఖాయం అంటూ అభిప్రాయాలు వ్యక్తమవుతున్నాయి. ఇప్పటికే త్రివిక్రమ్ స్క్రిప్ట్ పనులతో బిజీగా ఉన్నారని.. సినిమాతో ప్రేక్షకులను సరికొత్త ప్రపంచానికి తీసుకెళ్లనొన్నట్లు టాక్. ఇక ఈ సినిమాను.. హారిక అండ్ హాసిని బ్యానర్‌లో తెర‌కెక్కించనున్నారు.