టాలీవుడ్ మల్టీ టాలెంటెడ్ హీరోలలో రానా దగ్గుపాటి ఒకడు. ఓవైపు హీరోగా నటిస్తూనే.. మరోవైపు క్యారెక్టర్ ఆర్టిస్ట్గాను, విలన్గాను తన పాత్రలో ప్రేక్షకులను మెప్పిస్తున్నాడు. అదేవిధంగా నిర్మాతగా మారి రాణిస్తున్నాడు. అయితే ఇటీవల కాలంలో ఈ టాలెంటెడ్ హీరో ఖాతాలో ఒక హిట్ కూడా పడలేదు. బాహుబలి తర్వాత పలు సినిమాల్లో నటించిన ఆ రేంజ్ లో పాపులారిటీ దక్కించుకోలేకపోయాడు. ఈసారి ఎలాగైనా హిట్ కొట్టాలనే కసితో రానా ఉన్నట్లు తెలుస్తుంది.
నేనే రాజు నేనే మంత్రి లాంటి బ్లాక్ బాస్టర్ హిట్ ఇచ్చిన డైరెక్టర్ తేజతో మరోసారి జతకట్టబోతున్నాడు. ఇక ఈ రోజు రానా బర్త్ డే స్పెషల్ గా రానా – తేజ కాంబోలో రూపొందుతున్న ఈ సినిమా పోస్టర్ ని రిలీజ్ చేసి ఫ్యాన్స్కి సూపర్ ట్రీట్ ఇచ్చాడు. ఈ మూవీ టైటిల్ అనౌన్స్ చేశాడు. రాక్షస రాజు గా రానా ప్రేక్షకుల ముందుకు రాబోతున్నాడు. ఈ పోస్టర్లో రానా గన్ పట్టుకుని పవర్ ఫుల్ లుక్స్ లో కనిపించాడు.
ఓ గ్యాంగ్స్టర్ యాక్షన్ డ్రామాగా ఈ సినిమా తెరకెక్కబోతుందని టాక్. ఇందులో రానా పాత్ర నెగిటివ్ షేడ్స్లో ఉంటుందట. ఇప్పటివరకు నటించని ఓ కొత్త రోల్ లో రానా కనిపించబోతున్నట్లు తెలుస్తోంది. పాన్ ఇండియా మూవీగా రాక్షస రాజు రూపొందించేందుకు మేకర్స్ ప్లాన్ చేస్తున్నారు. ఈ సినిమాలో హీరోయిన్తో పాటు ఇతర నటినటులు, సాంకేతిక నిపుణులు ఎవరని అంశంపై ఇంకా క్లారిటీ రాలేదు.