సౌత్ ఇండియన్ స్టార్ బ్యూటీ నయనతారకు ప్రత్యేక పరిచయం అవసరం లేదు. నయన్ ఇటీవల నటించినా తన 75వ మూవీ అన్నపూర్ణి డిసెంబర్ 1న తమిళ్లో గ్రాండ్ గాలి రిలీజ్ అయింది. చెఫ్‌ కావాలని కలలుకనే ఓ బ్రాహ్మణ అమ్మాయి కథతో లేడీ ఓరియంటెడ్ సినిమాగా తెరకెక్కిన ఈ మూవీకి నీలేష్ కృష్ణ దర్శకత్వం వహించాడు. జవాన్ సక్సెస్ తర్వాత నయనతార హీరోయిన్గా నటిస్తున్న సినిమా కావడంతో ఈ సినిమాపై రిలీజ్ కు ముందే భారీ అంచనాలు ఏర్పడ్డాయి. ఇక పూర్ స్టోరీ, స్టోరీ లైన్ తో తెరకెక్కిన ఈ సినిమాపై చెన్నై వరదల కారణంగా మరింత ప్రభావం ప‌డింది.
దీంతో అన్నపూర్ణి డిజాస్టర్‌గా నిలిచింది. ఇక థియేటర్లో రిలీజై నెల రోజులు కూడా కాకముందే అన్నపూర్ణి సినిమా ఓటీటీలో రాబోతున్నట్లు టాక్ వినిపిస్తుంది. థియేటర్లో రిలీజ్‌కు ముందే ఈ సినిమా డిజిటల్ హక్కులను జి ఫై ద‌క్కించుకుందట. డిసెంబర్ 29న అన్నపూర్ణి ఆడియోస్ ముందుకు రానున్నట్లు టాక్. తమిళం తో పాటు తెలుగు, కన్నడ, మలయాళ భాషల్లోనూ అన్నపూర్ణి స్ట్రీమ్ అవుతుందని సమాచారం. ఇక ఈ రిలీజ్ డేట్ పై త్వరలోనే అఫీషియల్ అనౌన్స్మెంట్ రానుంది.
ఈ సినిమాలో హీరో జై, సత్యరాజ్‌లు కీలక పాత్రలో నటించారు. నయన్ ఇందులో ఓ పూజారి కూతురు.. తండ్రి ద్వారా చిన్నతనం నుంచే వంటలపై ఆసక్తి ఏర్పరచుకున్న ఈ అమ్మాయిగా క‌నిపిస్తుంది. చెఫ్‌ కావాలని ఎన్నో కలలు కంటుంది. కానీ ఆమె కల‌లకు నాన్న అడ్డు చెప్పడంతో వాళ్లకి తెలియకుండా స్నేహితుడు ఫర్హాన్ (జై) చెఫ్‌ కోర్సులో జాయిన్ అవుతుంది అన్నపూర్ణి. ఆ తర్వాత ఆనంద్ సుందర్ రాజన్(స‌త్య రాజ్‌) సహాయంతో ఇండియన్ బెస్ట్ చెఫ్‌ కాంపిటీషన్లో అన్నపూర్ణి విన్ అవుతుంది.