తెలుగు సినీ ఇండస్ట్రీలో మలయాళం హీరోయిన్స్ కి ఈమధ్య మంచి డిమాండ్ ఉందని చెప్పవచ్చు..అలా మొదట చిన్న పాత్రలో కనిపించి మంచి విజయాన్ని అందుకుంది హీరోయిన్ సంయుక్త మీనన్.. భీమ్లా నాయక్ సినిమాలో కనిపించింది కాసేపు అయిన ఈ అమ్మడు బాగానే ఆకట్టుకోవడంతో ఆ తర్వాత బింబిసార, సార్, విరూపాక్ష వంటి చిత్రాలలో నటించి మంచి విజయాలను అందుకుంది. దీంతో అవకాశాలు అందుకుంటూ ఇండస్ట్రీలో టాప్ లో దూసుకుపోతోంది సంయుక్త మీనన్..
అయితే సినిమాల ఎంపిక విషయంలో మాత్రం ఆచితూచి అడుగులు వేస్తోంది ఈ ముద్దుగుమ్మ.. ప్రస్తుతం తను కళ్యాణ్ రామ్ డెవిల్ సినిమాలో నటిస్తోంది.. అలాగే యంగ్ హీరో నిఖిల్ సిద్ధార్థ తో కూడా ఒక పాన్ ఇండియా చిత్రం లో హీరోయిన్గా ఎంపికైనట్లు వార్తలు వినిపిస్తున్నాయి.. ఈ చిత్రాన్ని డైరెక్టర్ భారతి కృష్ణమాచార్య దర్శకత్వం వహించగా.. ఈ సినిమా పేరు స్వయంభు.. అయితే ఈ చిత్రంలో నటించేందుకు సంయుక్త భారీగానే రెమ్యూనరేషన్ డిమాండ్ చేసిందని వార్తలు వినిపిస్తున్నాయి..
ప్రస్తుతం వరుసహిట్లతో ఉన్న సంయుక్త అడిగినంత ఇచ్చి సినిమాలోకి తీసుకుంటున్నట్లు సమాచారం.. బింబి సార, సార్ , విరూపాక్ష సినిమాలకు కోటి లోపల రెమ్యూనరేషన్ అందుకున్న ఈ ముద్దుగుమ్మ ఒకేసారి ఇప్పుడు స్వయంభూ సినిమా కోసం రూ.1.5 కోట్ల రూపాయలు డిమాండ్ చేస్తున్నట్లు తెలుస్తోంది. టాలీవుడ్ లో గోల్డెన్ లెగ్ హీరోయిన్ గా పేరు పొందిన ఈ ముద్దుగుమ్మ పారితోషకం ఇంత అడగడంలో తప్పేం లేదంటూ అభిమానులు సైతం కామెంట్స్ చేస్తున్నారు. మరి పాన్ ఇండియా రేంజిలో పలు సినిమాలో నటిస్తున్న సంయుక్తాకు ఎలాంటి క్రేజ్ వస్తుందో చూడాలి మరి.