టాలీవుడ్ హీరో సూపర్ స్టార్ కృష్ణ గురించి ప్రత్యేకంగా చెప్పాల్సిన పనిలేదు. ఆయన నట వారసుడిగా మహేష్ బాబు ఇండస్ట్రీలోకి ఎంట్రీ ఇచ్చి ఇప్పటికే స్టార్ హీరోగా ఒక వెలుగు వెలుగుతున్నారు. Ssmb -29 చిత్రంతో పాన్ వరల్డ్ మూవీని రాజమౌళితో కలసి తెరకెక్కిస్తూ ఉన్నారు. మహేష్ బాబు బాల నటుడుగా సినీ ఇండస్ట్రీ లోకి ఎంటర్ ఇచ్చి అత్యుత్తమ నటనతో మెప్పించారు. ఆ తర్వాత రాజకుమారుడు సినిమాలో హీరోగా మారి అప్పటినుంచి ఇప్పటివరకు వరుసగా సినిమాలను చేస్తూ అభిమానులను మెప్పిస్తూనే ఉన్నారు.
మహేష్ బాబు కెరియర్ లో ఎన్నో బ్లాక్బస్టర్ హిట్లు ఉన్నాయని చెప్పవచ్చు. డైరెక్టర్ కె విజయభాస్కర్ దక్షకత్వంలో తరుణ్ హీరోగా నటించిన నువ్వే కావాలి సినిమా స్రవంతి రవి కిషోర్ ఈ సినిమాను మొదట మహేష్ బాబుకి వినిపించారు.. ఈ సినిమాకి సంబంధించి సీడీలు కూడా పంపించారట. కానీ మహేష్ బాబు రిజెక్ట్ చేయడంతో హీరోగా తరుణ్ నటించారు. ఈ సినిమా ఇండస్ట్రీ హిట్టుగా నిలిచింది. రవితేజ, పూరి కాంబినేషన్లో వచ్చిన ఇడియట్ సినిమా ని ముందుగా నలుగురు హీరోలు రిజెక్ట్ చేశారు అందులో మహేష్ బాబు కూడా ఉన్నారట.
ఉదయ్ కిరణ్ హీరోగా విఎన్ ఆదిత్య దర్శకత్వంలో వచ్చిన మనసంతా నువ్వే సినిమా కూడా మొదట నిర్మాత ఎమ్మెస్ రాజు ఈ కథను మహేష్ బాబుకి వినిపించారట కానీ ఈ సినిమా సెట్ కాదని రిజెక్ట్ చేయడంతో ఉదయ్ కిరణ్ కెరియర్ లోనే ఒక మైలురాయిగా ఈ సినిమా నిలిచిపోయింది. మెగా హీరో వరుణ్ తేజ్, శేఖర్ కమల కాంబినేషన్లో వచ్చిన లవ్ స్టోరీ సినిమా కథను కూడా మొదట మహేష్కే చెప్పారట.కానీ ఇందులో కమర్షియల్ హంగులు లేకపోవడంతో ఈ చిత్రాన్ని రిజెక్ట్ చేశారు. అలాగే పుష్ప, వర్షం, ఏం మాయ చేసావే , నాని గ్యాంగ్ లీడర్ తదితర చిత్రాలు కూడా మహేష్ రిజెక్ట్ చేసినట్లుగా సమాచారం.