నటసింహం నందమూరి బాలకృష్ణ ప్రస్తుతం టాలీవుడ్ లోనే ఏ హీరోకు అందని సూపర్ క్రేజ్తో దూసుకుపోతున్నాడు. బ్యాక్ టు బ్యాక్ విజయాలతో టాలీవుడ్ కుర్ర హీరోలకి గట్టి పోటీ ఇస్తున్నాడు.
ఇటు సినిమాలతో పాటు బుల్లితెరపై అన్ స్టాపబుల్ షోతో ఎవరు ఊహించిన విధంగా బాలయ్య తన అభిమానులను అలరిస్తున్నాడు.
ఇక ఈ సంక్రాంతికి వీర సింహారెడ్డి సినిమాతో మరో బంపర్ బ్లాక్ బస్టర్ విజయాన్ని తన ఖాతాలో వేసుకున్నాడు. ప్రస్తుతం క్రేజీ దర్శకుడు అనిల్ రావిపూడి డైరెక్షన్లో తన 108వ సినిమాలో నటిస్తున్నాడు. ఈ సినిమాని కూడా ఈ దసరా కానుకగా ప్రేక్షకుల ముందుకు రాబోతుంది. ఇది ఇలా ఉంటే ఒకప్పుడు బాలయ్య చేయాల్సిన చాలా సినిమాలు కూడా వేరే హీరోలు చేసి సూపర్ హిట్లు అందుకున్నారు.
అలా బాలకృష్ణ మిస్ చేసుకున్న ఓ సూపర్ హిట్ సినిమా ఏంటో ఇప్పుడు తెలుసుకుందాం. విక్టరీ వెంకటేష్ హీరోగా అంజలా ఝవేరి హీరోయిన్గా వచ్చిన ప్రేమించుకుందాం రా సినిమా ప్రేమ, ఫ్యాక్షన్ బ్యాక్ డ్రాప్లో వచ్చిన ఈ సినిమా బాక్సాఫీస్ వద్ద మంచి విజయం అందుకుంది. అయితే ఈ సినిమా డైరెక్టర్ జయంత్ సీ పరాంజీ ముందుగా ఈ సినిమాని బాలకృష్ణతో చేయాలని భావించారట.
ఈ సినిమా కథను కూడా బాలకృష్ణను దృష్టిలో పెట్టుకునే రాశారట. అది అనుకోకుండా వెంకటేష్ దగ్గరికి వెళ్ళింది. వెంకటేష్కు కథ నచ్చడంతో ఆయనతో ఈ సినిమా చేసి సూపర్ హిట్ అందుకున్నాడు ఈ దర్శకుడు. అలా బాలయ్య బాబుతో చేయాల్సిన ఈ సినిమా వెంకటేష్కు వెళ్ళింది. ఈ విధంగా బాలయ్య ఈ సినిమాని మిస్ చేసుకున్నాడనే చెప్పాలి.