యంగ్ టైగర్ ఎన్టీఆర్ త్రిబుల్ ఆర్ వంటి గ్లోబల్ హిట్ తర్వాత నటిస్తున్న సినిమా ఎన్టీఆర్ 30 ఈ మూవీని స్టార్ దర్శకుడు కొరటాల శివ ఎంతో ప్రతిష్టాత్మకంగా పాన్ ఇండియా లెవెల్ లో తెరకెక్కించబోతున్నాడు. ఇప్పటికే ఈ సినిమా షూటింగు సంబంధించి అప్డేట్ కూడా ఎన్టీఆర్ తాజాగా అమీగోస్ ఫ్రీ రిలీజ్ ఈవెంట్లో రివిల్ చేశాడు. ఈ నెలలోనే ఈ సినిమా పూజా కార్యక్రమాలు ముగించుకుని.. వచ్చేనెల 20 నుంచి ఈ సినిమా షూటింగ్ ప్రారంభం కానుంది.
ఇక ఇప్పుడు ఈ సినిమాలో హీరోయిన్ ఎవరు అంటూ ఎన్టీఆర్ అభిమానులు సోషల్ మీడియాలో చర్చ మొదలుపెట్టారు. కాగా ఈ సినిమాలో బాలీవుడ్ అందాల భామ జాన్వీ కపూర్ హీరోయిన్గా కన్ఫర్మ్ అయింది. ఆమె ఈ ప్రాజెక్టుపై సంతకం కూడా చేసింది. అధికార ప్రకటన మాత్రమే ఇంకా బయటికి రావాల్సి ఉంది. తాజాగా బాలీవుడ్ మీడియా నుంచి అందుతున్న సమాచారం ప్రకారం, జాన్వీ కపూర్ తను నటించే అన్ని సినిమాల కంటే ఎన్టీఆర్ సినిమాకే ఎక్కువ ప్రాధాన్యత ఇచ్చింది.
ఈ సినిమాకు కూడా డేట్స్ ఎక్కువగానే కేటాయించింది. ఈ సినిమానే జాన్వీ కపూర్ కి తొలి పాన్ ఇండియా సినిమా అవ్వనుంది. అందుకే ఈ సినిమా కోసం జాన్వీ ఎంతో ఆత్రుతగా ఉంది. ఈ సినిమా తొలి షెడ్యూల్ కోసం కొరటాల ఇప్పటికే హైదరాబాద్ దగ్గర భారీ సముద్రపు సెట్ కూడా రెడీ చేస్తున్నాడు. ఈ సినిమా షూటింగ్ కూడా ఎంతో సర్వగంగా జరగనుంది. ఈ సినిమా స్టోరీ విషయానికి వస్తే కొంత మైథాలాజికల్ టచ్ కూడా ఉండబోతుందట.
అలాగే ఈ సినిమాలో ఎన్టీఆర్ లుక్ కూడా అదిరిపోతోందట. అందుకు తగ్గట్టుగానే తన క్యారెక్టర్ కోసం తారక్ కూడా డిఫరెంట్ మేక్ ఓవర్ ట్రై చేస్తున్నాడు. ఎన్టీఆర్- కొరటాల కాంబినేషన్లో గతంలో వచ్చిన జనతా గ్యారేజ్ పెద్ద హిట్ కావడంతో ఈ సినిమాపై కూడా రోజురోజుకు భారీ అంచనాలు పెరిగిపోతున్నాయి. ఈసారి కొరటాల ఈ సినిమాతో ఎలాంటి మ్యాజిక్ రిపీట్ చేస్తాడో చూడాలి.