నందమూరి నట‌సింహ అంటూ సింహాన్ని తన బిరుదుగా ఎంచుకున్నాడు బాలకృష్ణ. అందుకు తగ్గట్టుగానే సింహం అని వచ్చేలా చాలా సినిమాల్లో నటించాడు. అందులోనూ కెరీర్ బెస్ట్ లో ఇండస్ట్రీ హిట్‌లు చాలానే ఉన్నాయి. ఇప్పుడు తాజాగా వీర సింహారెడ్డి పేరుతో ఈ సంక్రాంతికి బాక్సాఫీసుస్‌ ముందుకు వస్తున్నాడు. ఈ క్రమంలోని ఇప్పటి వరకు బాలయ్య ఎత్తిన సింహ అవతారాలు ఏంటి వాటి సంగతి ఏంటో ఇప్పుడు చూద్దాం.
– ముందుగా బాలకృష్ణ తన తండ్రి ఎన్టీఆర్ తో కలిసి 1983లో సింహం నవ్వింది అనే సినిమాతో ప్రేక్షకులు ముందుకు వచ్చాడు. ఈ సినిమా బాక్స్ ఆఫీస్ వద్ద సరైన ఫలితం అందుకోలేకపోయింది. కానీ ఎన్టీఆర్ పాత్రకు బాలకృష్ణ పాత్రకు మంచి పేరు వచ్చింది.
– 1994లో కోదండరామిరెడ్డి దర్శకత్వంలో బాలకృష్ణ హీరోగా వచ్చిన ‘బొబ్బిలి సింహం’. ఈ సినిమా బాక్సాఫీస్ వద్ద సూపర్ హిట్‌గా నిలిచింది.
– ఫ్యాక్షన్‌ సినిమాలకు ఊపు తీసుకొచ్చిన సినిమా ‘సమర సింహా రెడ్డి’. 1999లో వచ్చిన ఈ సినిమాలో బాలయ్యను దర్శకుడు బి.గోపాల్‌ ఫుల్‌ మాస్‌ మోడ్‌లో చూపించారు. బాలకృష్ణ సరసన సిమ్రాన్, అంజలా ఝవేరి, సంఘవి నటించారు ఈ సినిమా బాలయ్య కెరీర్‌లోనే ఇండస్ట్రీ హిట్ కోట్ట‌డు.
– బాలయ్య – బి.గోపాల్‌ కాంబినేషన్‌లో 2001లో వచ్చిన సినిమా ‘నరసింహనాయుడు’. ఈ సినిమా విజయం గురించి ఎంత చెప్పానా తక్కువే. 2001లో హైయ్యెస్ట్ గ్రాసర్‌గా నిలిచిన ఈ సినిమాలో సిమ్రాన్, ప్రీతి జింగానియా, ఆశాషైనీ హీరోయిన్లు. బాలయ్యకు తిరుగులెని హిట్‌గా నిలిచింది.
– సీమ సినిమాలతో ప్రేక్షకుల్ని ఉర్రూతలూగించే బాలయ్య 2002లో ‘సీమ సింహం’గా వచ్చారు. బాలకృష్ణకు జ‌టంగా సిమ్రాన్, రీమా సేన్ నటించారు. జి.రామ్ ప్రసాద్ దర్శకత్వంలో వచ్చిన ఈ సినిమా బాక్సాఫీస్ వద్ద సరైన ఫలితం అందుకోలేకపోయింది.
– బాలకృష్ణ రీసెంట్‌ బ్లాక్‌బస్టర్స్‌ లిస్ట్‌లో తొలి స్థానాల్లో ఉండే సినిమా ‘సింహ’. బోయపాటి శ్రీను దర్శకత్వంలో 2010లో వచ్చిన ఈ సినిమాలో బాలయ్య సరసన నయనతార, నమిత, స్నేహ ఉల్లాల్‌ నటించారు. ఈ సినిమా బాలయ్యకు తిరిగి మ‌ళ్ళి తన స్టార్ డ‌మ్‌ను తెచ్చిపెట్టింది.
– తమిళంలో మంచి విజయం అందుకున్న ‘సామి’ సినిమాను తెలుగులో ‘లక్ష్మీ నరసింహ’గా తీసుకొచ్చారు బాలయ్య. 2004లో వచ్చిన ఈ సినిమాలో అశిన్ హీరోయిన్‌గా నటించింది. ఈ సినిమా కూడా బాలయ్యకు మంచి విజ‌యాని అందిచింది.
– తెలుగు సింహాలతోపాటు బాలయ్య ఇంగ్లిష్ ల‌య‌న్‌లో కూడా నటించారు. 2015లో ‘లయన్‌’ పేరుతో ఓ సినిమా లో నటించారు. ఈ సినిమాలో బాలయ్య సరసన త్రిష, రాధిక ఆప్టే నటించారు. ఈ సినిమా బాక్సాఫీసు దగ్గర ఆశించిన విజయం అందుకోలేదు.
– కె.యస్.రవికుమార్ దర్శకత్వంలో ‘జై సింహా’ టైటిల్‌తో 2018లో బాలయ్య ఓ సినిమా చేసారు. బాలయ్య సరసన ఈ సినిమాలో నయనతార కథానాయికగా నటించింది. ఈ సినిమా సంక్రాంతి కి వ‌చ్చి బాలయ్యకు మంచి విజయాన్ని అందించింది.
– గోపీచంద్‌ మలినేని దర్శకత్వంలో బాలయ్య ‘వీర సింహా రెడ్డి’ సినిమా చేశాడు. ఈ సినిమాను జనవరి 12న విడుదల చేస్తున్నారు. ఈ సినిమాలో శ్రుతి హాసన్‌ కథానాయిక. మైత్రీ మూవీ మేకర్స్‌ నిర్మించింది. ఇప్పుడు వరకు బాలకృష్ణ సింహం అనే పేరుతో పది సినిమాల్లో నటించారు వాటిలో సగానికి పైగా సినిమాలు సూపర్ హిట్ గా నిలిచాయి.