నందమూరి బాలకృష్ణ ఆహా వేదికగా వ్యాఖ్యాతాగా చేస్తున్న అన్ స్టాపబుల్ షో మొదటి సీజన్ ఎంతో విజయవంతంగా పూర్తి చేసుకుంది. గత నెలలో ఈ షో కు రెండో సీజన్ కూడా ప్రారంభమైంది. ఈ సీజన్ తొలి ఎపిసోడ్ గాను బాలకృష్ణ బావమరి అయినా చంద్రబాబు నాయుడు, బాలయ్య అల్లుడు లోకేష్ ముఖ్య అతిథులుగా వచ్చారు. తర్వాత రెండో ఎపిసోడ్ గాను యువ హీరోలు సిద్దు జొన్నలగడ్డ, విశ్వక్‌సేన్‌ లు గెస్టులుగా వచ్చారు.
ఈ క్రమంలోనే ఈ షోకు జూనియర్ ఎన్టీఆర్ ని పిలవాలని అభిమానులు కోరుకుంటున్నారు. ఇందులో భాగంగా బాలయ్య షోకు జూనియర్ ను ఎలాగైనా తీసుకువచ్చే పనిలో పడిందంట ఆహా టీమ్‌. ఈ షోలో జూనియర్ ఎన్టీఆర్ మాత్రమే కాకుండా ఆయన అన్న కళ్యాణ్ రామ్‌ని కూడా తీసుకురావాలని చూస్తున్నారా అంటూ ఓ న్యూస్ వైరల్ గా మారింది.
జూనియర్ ఎన్టీఆర్ త్రిబుల్ ఆర్ ప్రమోషన్ లో భాగంగా జపాన్లో ఉన్నారు. కళ్యాణ్ రామ్ ప్రస్తుతం ఆయన నటించిన ‘బింబిసార’ సక్సెస్ జోష్‌లో ఉన్నారు. . ఇక ఈ క్రమంలోనే అన్ స్టాపబుల్ లాస్ట్ ఎపిసోడ్ గాను ఈ అన్నదమ్ముల ఇద్దరినీ ఈ షోకి తీసుకురావాలని ప్రయత్నాలుచేస్తున్నారట ఆహా టీమ్‌. ఈ అన్నదమ్ములు ఇద్దరు కలిసి బాబాయితో చేసే అల్లరి చూడడానికి నందమూరి అభిమానులు వెయ్యి కళ్లతో ఎదురు చూస్తున్నారు. త్వరలోనే దీనిపై అఫీషియల్ ప్రకటన రానున్నట్టు తెలుస్తుంది. మరి చూడాలి బాబాయితోో అబ్బాయిల అల్లరి ఎలా ఉండబోతుందో..