త్రిబుల్ ఆర్ సినిమాతో పాన్ ఇండియా హీరోగా మంచి గుర్తింపు తెచ్చుకున్న ఎన్టీఆర్.. తన తర్వాత సినిమాను కొరటాల శివ డైరెక్షన్ తన 30వ సినిమాలో నటించబోతున్నాడు.. ఈ సినిమాకు సంబంధించిన మోషన్న్ పోస్టర్ను ఎన్టీఆర్ పుట్టినరోజు సందర్భంగా విడుదల చేశారు. ఆ పోస్టర్ విడుదల అయ్యాక ఈ సినిమాకు సంబంధించి ఎటువంటి అప్ డేట్ ఇప్పటివరకు బయటకు రాలేదు. త్రిబుల్ ఆర్ సినిమా విడుదలై 8 నెలలు గడుస్తున్నా ఎన్టీఆర్ తన 30వ సినిమా షూటింగ్ ఇప్పటికీ మొదలు పెట్టలేదు.
దర్శకుడు కొరటాల శివ ఇప్పటికి కూడా స్క్రిప్ట్ వర్క్ లో బిజీగానే ఉన్నాడు. దీంతో అభిమానులు ఈ సినిమాకు సంబంధించిన అప్డేట్ కోసం ఎంతో ఆసక్తిగా ఎదురుచూస్తున్నారు. దసరా కానుక ఈ సినిమాకు సంబంధించిన అప్డేట్ వస్తుందని అభిమానులు ఆశపడ్డారు.. కానీ మేకర్స్ అభిమానుల ఆశని నీరుగార్చారు. దీపావళి రోజున వస్తుందని ఆశపడ్డ అభిమానులకు నిరాసే మిగిలింది.
అయితే ఇప్పుడు ఎన్టీఆర్ అభిమానులు ఈ సినిమాకు సంబంధించి అప్డేట్ ఇవ్వాలని సోషల్ మీడియా ద్వారా #we demand NTR 30 update అనే హ్యాష్ ట్యాగ్ ను twitter లో వైరల్ చేస్తున్నారు.
తారక్ అభిమానులు మాకు ఈ సినిమాకు సంబంధించి అప్డేట్ కావాలని చాలా ప్రశాంతంగానే సోషల్ మీడియాలో రచ్చ చేయటం మొదలుపెట్టారు. ఎన్టీఆర్ 30వ సినిమాకు సంబంధించి చిన్న అప్డేట్ ఇస్తే కూల్ అవుతామని ఫాన్స్ చెబుతుండగా.. సినిమా మేకర్స్ ఏ విధంగా స్పందిస్తారు అనేది తెలియాల్సి ఉంది. ఎన్టీఆర్ అభిమానులు ఎన్టీఆర్ 30వ సినిమా కోసం ఎంతో ఆసక్తిగా ఎదురుచూస్తున్నారు అనేది కూడా ఇప్పుడు మనకి క్లియర్ గా అర్థమవుతుంది.