తెలుగు చిత్ర పరిశ్రమకు బిగ్గెస్ట్ సీజన్లలో సంక్రాంతి పండుగ ఒకటి. సంక్రాంతి త‌ర్వాత ద‌స‌రా సీజ‌నే అత్యంత కీలకంగా ఉంటుంది. సంక్రాంతి సీజ‌న్‌కు రెండు, మూడు పెద్ద సినిమాలు ఒకేసారి రిలీజ్ అయ్యి హిట్లు కొడుతూ ఉంటాయి. అయితే ఈ యేడాది సంక్రాంతికి టాలీవుడ్‌లో పెద్ద యుద్ధ‌మే జ‌రిగేలా ఉంది. క‌రోనా దెబ్బ‌తో గత రెండేళ్లుగా పెద్ద సినిమాలు రిలీజ్ కాక‌పోవ‌డంతో ఇప్పుడు వ‌రుస పెట్టి క్రేజీ సినిమాలు విడుద‌లవుతున్నాయి.
ఈ సీజ‌న్లో ఇప్ప‌టికే RRR – రాధే శ్యామ్ – సర్కారు వారి పాట – భీమ్లా నాయక్ – ఆచార్య వంటి భారీ చిత్రాలు బాక్సాఫీస్ బరిలో దిగుతున్నాయి. ఈ క్ర‌మంలోనే 2023 సంక్రాంతికి బాక్సాఫీస్ ఫైట్ హీటెక్కించేసేలా ఉంది. యంగ్ రెబల్ స్టార్ ప్రభాస్ మైథిలాజికల్ డ్రామా ఆదిపురుష్ సంక్రాంతికి వ‌స్తోంది. ఓం రౌత్ ఈ సినిమాకు ద‌ర్శ‌కుడు.
ఇక పవర్ స్టార్ పవన్ కళ్యాణ్ నటిస్తున్న హిస్టారికల్ యాక్షన్ డ్రామా హరి హర వీరమల్లు కూడా సంక్రాంతి రేసులోనే ఉంది. క్రిష్ ఈ సినిమాకు ద‌ర్శ‌కుడు. ఏఎం. ర‌త్నం ఈ సినిమాను భారీ బ‌డ్జెట్‌తో నిర్మిస్తున్నారు. నిధి అగర్వాల్ హీరోయిన్ గా నటిస్తోంది. అలాగే కోలీవుడ్ స్టార్ విజయ్ – టాలీవుడ్ డైరెక్టర్ వంశీ పైడిపల్లి సినిమాను కూడా సంక్రాంతి రేసులోనే నిలుపుతున్నార‌ట. ఈ సినిమాను దిల్ రాజు ప్రెస్టేజియ‌స్‌గా తెర‌కెక్కిస్తున్నారు.
మ‌రో ట్విస్ట్ ఏంటంటే దిల్ రాజు నిర్మిస్తోన్న శంక‌ర్ – రామ్‌చ‌ర‌ణ్ సినిమా కూడా సంక్రాంతి రేసులోనే నిలిపే ప్ర‌య‌త్నాలు జ‌రుగుతున్నాయి. మెగాస్టార్ చిరంజీవి మెహర్ రమేష్ దర్శకత్వంలో చేస్తోన్న భోళా శంక‌ర్ లేదా బాబితో చేస్తోన్న వాల్తేరు వీర‌య్య‌ల్లో ఏదో ఒకటి కూడా సంక్రాంతికే వ‌స్తుంద‌ని అంటున్నారు.
ఇక మ‌హేష్‌బాబు – త్రివిక్ర‌మ్ సినిమా కూడా సంక్రాంతి రేసులోనే ఉంది. మ‌రి ఈ భారీ క్లాష్‌లో ఎవ‌రు నిలుస్తారు ? ఎవ‌రు గెలుస్తారు ? అనేది చూడాలి.