మిర్చి సినిమాతో టాలీవుడ్‌లో దర్శకుడిగా తనకంటూ ప్రత్యేక ఇమేజ్‌ను క్రియేట్ చేసుకుని, వరుసగా సక్సెస్‌ఫుల్ చిత్రాలను తెరకెక్కిస్తూ దూకుడు మీద ఉన్న దర్శకుడు కొరటాల శివ. ఆయన తెరకెక్కిస్తున్న తాజా చిత్రం ‘ఆచార్య’ మరికొద్ద గంటల్లో మనముందుకు రాబోతుంది. ఇక ఈ సినిమాతో మెగాస్టార్ తన స్టామినా ఏమిటో మరోసారు రుజువు చేసి ఇండస్ట్రీలో ఎప్పటికీ తానే మెగాస్టార్ అని నిరూపించుకోవడం ఖాయమని అంటున్నారు.
అయితే ఈ సినిమా తరువాత కొరటాల తన నెక్ట్స్ మూవీని యంగ్ టైగర్ ఎన్టీఆర్‌తో కలిసి చేసేందుకు రెడీ అయ్యాడు. ఇప్పటికే ఈ సినిమాకు సంబంధించిన ప్రీప్రొడక్షన్ పనులు పూర్తయ్యయి. అఫీషియల్‌గా అనౌన్స్‌మెంట్ కూడా చేసిన ఈ సినిమాను త్వరలోనే పట్టాలెక్కించేందుకు చిత్ర యూనిట్ రెడీ అవుతోంది. కాగా ఈ సినిమాను కొరటాల తనదైన మార్క్ సినిమాల్లా కాకుండా విభిన్నంగా తెరకెక్కించబోతున్నట్లు తెలుస్తోంది.
కొరటాల శివ తన ప్రతి సినిమాలోనూ ఏదో ఒక మెసేజ్ ఖచ్చితంగా ఇస్తాడు. కానీ తారక్ కోసం మాత్రం ఈసారి తన పంథా మార్చుకున్నాడట ఈ డైరెక్టర్. హీరో పాత్రకు ప్రాధాన్యతనిస్తూ, పక్కా మాస్ యాక్షన్ ఎంటర్‌టైనర్ మూవీని తెరకెక్కించేందుకు కొరటాల రెడీ అయ్యాడు. ఈ సినిమాలో తారక్ చేసే యాక్షన్ ఇప్పటివరకు ఏ హీరో కూడా చేయని విధంగా ఉండబోతున్నట్లు ఆయన పేర్కొన్నారు. అంటే.. ఈ సినిమాలో మెసేజ్‌లు లాంటివి ఏమీ లేకుండానే కేవలం యాక్షన్‌కే కొరటాల ఓటేయ్యడంతో ఈ సినిమా ఖచ్చితంగా నందమూరి అభిమానులను అలరించడం ఖాయమని అంటున్నారు సినీ ప్రేక్షకులు.