వివాదాలకు ఎప్పుడూ ఆమడ దూరంలో ఉండే టాలీవుడ్ ప్రిన్స్ మహేష్ బాబు.. స్టార్ హీరోతో వైరం పెట్టుకోవడం ఏంటీ..? అసలు ఇంతకీ ఆ స్టార్ హీరో ఎవరు..? అని ఆలోచిస్తున్నారా.. అది తెలియాలంటే లేట్ చేయకుండా మ్యాటర్లోకి వెళ్లాల్సిందే. మహేష్ బాబు, దర్శకధీరుడు రాజమౌళి కాంబోలో త్వరలోనే ఓ సినిమా తెరకెక్కబోతున్న సంగతి తెలిసిందే. ఈ సినిమాపై ఇప్పటికే అధికారిక ప్రకటన కూడా వచ్చింది.
ఈ సినిమాకు రాజమౌళి తండ్రి విజయేంద్ర ప్రసాద్ కథను సిద్ధం చేసే పనిలో ఉండగా.. ఆయన గతంలో ఓ ఇంటర్వ్యూలో మాట్లాడుతూ జంగల్ అడ్వాంచర్ నేపథ్యంలో ఈ సినిమా ఉండబోతుందని హింట్ ఇచ్చారు. దీంతో అందరిలోనూ మహేష్తో జక్కన ఎలాంటి సినిమా చేస్తాడో అన్న ఆసక్తి నెలకొంది.
అయితే ఇప్పుడు ఈ సినిమాకు సంబంధించి ఓ ఆసక్తికర విషయం బయటకు వచ్చింది. ఇంతకీ ఏంటా విషయం ఏంటంటే.. ఈ సినిమాలో మహేష్కు విటన్గా ఓ స్టార్ హీరో రంగంలోకి దిగబోతున్నాడట. ఆ హీరో ఎవరో కాదు విక్రమ్. రాజమౌళి తెరకెక్కించబోయే చిత్రంలో విక్రమ్తోనే మహేష్ వైరం పెట్టుకుని.. అతడితో తల పడనున్నాడని జోరుగా ప్రచారం జరుగుతోంది.
మరి ఇందులో ఎంత వరకు నిజమో తెలియాలంటే మరి కొద్ది రోజులు వెయిట్ చేయాల్సిందే. కాగా. మహేష్ బాబు ప్రస్తుతం పరుశురామ్ రామ్ దర్శకత్వంలో `సర్కారు వారి పాట` చిత్రం చేస్తున్న విషయం తెలిసిందే. కీర్తి సురేష్ హీరోయిన్గా నటిస్తున్న ఈ చిత్రం వచ్చే ఏడాది విడుదల కానుంది.