నంద‌మూరి బాల‌కృష్ణ, మాస్ డైరెక్ట‌ర్ బోయ‌పాటి శ్రీ‌ను కాంబోలో తెర‌కెక్కిన తాజా చిత్రం `అఖండ`. దాదాపు షూటింగ్ పూర్తి చేసుకున్న ఈ చిత్రం దీపావళి కానుకగా నవంబర్ 4న విడుదల కాబోతోంద‌ని ఎప్ప‌టి నుంచో ప్ర‌చారం జ‌రుగుతోంది. ఇలాంటి త‌రుణంలో బాల‌య్య ముందే రిస్క్ చేసేందుకు సిద్ధ‌మ‌య్యాడు యంగ్ హీరో సంతోష్ శోభన్.
అస‌లు విష‌యం ఏంటంటే.. మారుతి ద‌ర్శ‌క‌త్వంలో సంతోష్ శోభన్, మెహ్రీన్ జంట‌గా తెర‌కెక్కిన చిత్రం `మంచి రోజులు వచ్చాయి`. యూవీ కాన్సెప్ట్స్, మాస్ మూవీ మేకర్స్ బ్యానర్స్ పై వి సెల్యులాయిడ్, యస్కేయన్ సంయుక్తంగా ఈ చిత్రాన్ని నిర్మిస్తున్నారు.
లవ్ అండ్ ఫ్యామిలీ ఎంటర్ టైనర్ గా తెర‌కెక్కిన ఈ చిత్రాన్ని దీపావళి కానుకగా నవంబర్ 4న విడుదల చేస్తున్నట్టు ట్విట్టర్ వేదికగా ప్రకటించారు మేకర్స్. అయితే అదే రోజు బాల‌య్య న‌టించిన అఖండ విడుద‌లైతే.. ఆయ‌న ముందు `మంచి రోజులు వచ్చాయి`తో సంతోష్ స‌క్సెస్ అవుతాడా..? అన్న‌దే హాట్ టాపిక్‌గా మారింది.