కంటికి కనిపించే దేవుడు ఎవరు అంటే డాక్టర్లు అని అంటుంటారు. అలాంటి డాక్టర్లు ఎదుర్కొనే కష్టాలను, పరిస్థితుల నేపథ్యంలో నిజ జీవిత సంఘటనల ఆధారంగా తెరకెక్కుతున్న సినిమా డాక్టర్ సాబ్. ఈ సినిమా ఎస్పీ క్రియేషన్స్ బ్యానర్ పై శోభన్ హీరోగా డి.ఎస్.బి దర్శకత్వంలో ఎస్పీ నిర్మాణ సారథ్యంలో తెరకెక్కుతోంది. ఈ సినిమాకు అమ్మ పండు సంగీతం అందిస్తున్నారు. అయితే ఈ సినిమా ఇటీవలే మొదటి షెడ్యూల్ను పూర్తి చేసుకున్న సందర్భంగా నిర్మాత ఎస్ పి వివరాలను తెలియజేశాడు.
నా ఫ్రెండ్ చిత్రదర్శకుడు డి.ఎస్.బి ఒక అద్భుతమైన కథను రెడీ చేశారు. స్క్రిప్ట్ బాగా కుదరడంతో ఈ సినిమా షూటింగ్ మొదలు షెడ్యూల్ లో ఎక్కడా కాంప్రమైజ్ కాకుండా చేశాం, మరొక షెడ్యూల్ ను ఈనెల 25 నుంచి చేయడానికి ప్లాన్ చేస్తున్నాం అని తెలిపారు. అంతేకాకుండా అతి త్వరలోనే మిగతా కార్యక్రమాలను కూడా పూర్తి చేసుకొని ఈ సినిమాను విడుదల చేయడానికి సన్నాహాలు సిద్ధం చేస్తున్నామని తెలిపారు. హీరో శోభన్ ఫైట్స్, అలాగే డాన్సుల విషయంలో స్పెషల్ గా ట్రైనింగ్ తీసుకుని చాలా కష్టపడి చేస్తున్నాడు. డాక్టర్ అనే వాడు దేవుడు అని చెప్పే సినిమా ఇది. ఇప్పటికే ఈ సినిమా లోగోను విడుదల చేయగా మంచి రెస్పాన్స్ వచ్చింది. లేటెస్ట్ గా లిరికల్ సాంగ్ విడుదల చేశాం,ఆ సాంగ్ కూడా బాగా పాపులర్ అయింది అని తెలిపారు. ఇక ఇందులో నటీనటులు విషయానికి వస్తే..
నటీనటులు:
శోభన్ తదితరులు
బ్యానర్ : ఎస్పీ క్రియేషన్స్
నిర్మాత : ఎస్.పి
దర్శకత్వం : డి.ఎస్.బి
సంగీతం : అమ్మపండు
సినిమాటోగ్రఫీ: ఎం.మురళీకృష్ణ
పాటలు: నర్సింగరావు
పిఆర్ ఓ : సాయి సతీష్, పర్వతనేని