తెలుగు బిగ్గెస్ట్ రియాలిటీ షో బిగ్ బాస్ సీజ‌న్ 5 ఆదివారం అట్ట‌హాసంగా ప్రారంభ‌మైన సంగ‌తి తెలిసిందే. ఫుల్ జోష్తో అఖిల్ పాటకు స్టెప్పులేస్తూ ఎంట్రీ ఇచ్చిన హోస్ట్ నాగార్జున.. మొత్తం 19 మంది కంటెస్టెంట్స్‌ను స్వ‌యంగా హౌస్‌లోకి పంపారు. అయితే ఈసారి కూడా హౌస్‌లోకి కొన్ని కొత్త ముఖాలు వచ్చాయి. ఆ లిస్ట్‌లో మోడల్ జెస్సీ ముందు వ‌ర‌స‌లో ఉన్నాడు.
ఎనిమిదవ కంటెస్టెంట్గా హౌస్‌లోకి ఎంట్రీ ఇచ్చిన జెస్సీ..ర్యాప్ వ్యాక్ చేసేటప్పుడు మొహంలో హవాభావాలు కనిపించకూడదు, బొమ్మలా ఉండాలి, కేవలం మన క్యాస్టూమ్ కనిపించాలి, మన మొహంలో ఎక్స్‌ప్రెషన్స్ కనిపించకూడదు అని ఏకంగా కింగ్ నాగార్జునకే ఫ్యాషన్ పాఠాలు చెప్పాడు జెస్సీ. ఈ నేప‌థ్యంలోనే అస‌లు జెస్సీ ఎవరు ? ఏం చేస్తుంటాడు ? ఇత‌ని బ్యాక్గ్రౌండ్ ఎంటీ ? అంటూ నెటిజ‌న్లు గూగుల్‌లో సెర్చ్ చేయ‌డం స్టార్ట్ చేశారు.
అయితే జెస్సీ బ్యాక్గ్రౌండ్ విష‌యానికి వ‌స్తే..ఇతనో సూపర్ మోడల్.. ర్యాంప్ వాకర్. ఇప్పటివరకు పలు కార్పొరేట్ యాడ్స్లలో నటించి గుర్తింపు తెచ్చుకున్నాడు. మోడలింగ్ రంగంలో ఎన్నో అవార్డులను అందుకున్న జెస్సీ.. `ఎంత మంచివాడవురా` సినిమాతో సినిమాల్లోకి వ‌చ్చాడు. ఈ మూవీ తర్వాత పలు సినిమాల్లోనూ.. ప్రకటనల్లోనూ జెస్సీ కనిపించాడు. అంతేకాదు, ఏకధాటిగా 36 గంటలు ర్యాంప్ వాక్ షో చేసి గిన్నిస్ రికార్డ్ సైతం ఎక్కాడు. మ‌రి బిగ్‌బాస్ షో ద్వారా ఈ మోడల్ ప్రేక్ష‌కుల‌ను ఏ మేర‌కు ఆక‌ట్టుకుంటాడో చూడాలి.