తెలుగు బిగ్గెస్ట్ రియాలిటీ షో బిగ్ బాస్ సీజన్ 5 ఆదివారం అంగరంగవైభంగా స్టార్ట్ అయిన సంగతి తెలిసిందే. హోస్ట్ నాగార్జున ఆధ్వర్యంలో.. సిరి హన్మంత్, వీజే సన్నీ, లహరి షారి, సింగర్ శ్రీరామచంద్ర, యానీ మాస్టర్, లోబో, నటి ప్రియ, మోడల్ జెస్సీ, ట్రాన్స్ జెండర్ ప్రియాంక సింగ్, షణ్ముఖ్ జస్వంత్, హమీదా, కొరియోగ్రాఫర్ నటరాజ్, సరయు, నటుడు విశ్వా, నటుడు మానస్, నటి ఉమాదేవి, ఆర్జే కాజల్, శ్వేత వర్మ, యాంకర్ రవి ఇలా మొత్తం 19 కంటెస్టెంట్స్ హౌస్లోకి అడుగు పెట్టారు.
15 వారాల పాటు 19 మందితో సాగే ఈ షో.. ఈ రోజు నుంచి కంటెస్టెంట్ల గొడవలు, ప్రేమలు, కోపాలు, అలకలతో రక్తికట్టించబోతోంది. ఇదిలా ఉంటే.. బిగ్ బాస్ షో అంటేనే అంతా లీకుల మయం. ఈ సంగతి అందరికీ తెలిసిందే. అయితే తాజాగా మొదటి వారం నామినేషన్ లిస్ట్ లీక్ అయిపోయింది.
నామినేషన్ ప్రాసెస్ ఏంటి? ఎలా జరిగింది అనే విషయాలు మాత్రం తెలియకపోయినా.. మొదటి వారం యాంకర్ రవి, మానస్, హమీద, సరయు, కాజల్, జెస్సీ నామినేట్ అయినట్టు వార్తలు వస్తున్నాయి. మరి ఈ వార్తలే నిజమైతే.. ఆ ఆరుగురిలో ఎవరికో మూడుతుందో చూడాలి.