ప్రజలకు, ప్రభుత్వాలకు మళ్లీ కరోనా వైరస్ కంటి మీద కునుకు లేకుండా చేస్తోంది. తగ్గినట్టే తగ్గిన ఈ మహమ్మారి.. ప్రస్తుతం శర వేగంగా విజృభిస్తోంది. ఓవైపు వ్యాక్సినేషన్ ప్రక్రియ కొనసాగుతున్నప్పటికీ.. కరోనా విలయతాండవం చేస్తూనే ఉంది. ఇదిలా ఉంటే.. గత కొద్ది రోజులుగా భారత్లో కరోనా కేసులు, మరణాలు తగ్గుతున్న సంగతి తెలిసిందే. అయితే తాజా కేసులతో దేశంలో పాజిటివ్ కేసుల సంఖ్య 3 కోట్లు దాటింది.
గత 24 గంటల్లో భారత్లో 50,848 మందికి కొత్తగా కరోనా సోకింది. తాజా కేసులతో దేశవ్యాప్తంగా కరోనా పాజిటివ్ కేసుల సంఖ్య 3,00,28,709 కు చేరుకుంది. అలాగే నిన్న 1,358 మంది కరోనా కారణంగా మరణించారు. దీంతో దేశంలో కరోనా మరణాల సంఖ్య 3,90,660 కు పెరిగింది.
ఇక నిన్న ఒక్కరోజే 68,817 మంది కోలుకోగా.. ఇప్పటి వరకు దేశంలో కరోనా నుంచి 2,89,94,855 మంది హాస్పటల్ నుంచి డిశ్చార్జ్ అయ్యారు. అలాగే 6,43,194 మంది ఆసుపత్రుల్లో చికిత్స అందుతోంది.