మే 21న సత్యదేవ్ తిమ్మరుసు..!

టాలీవుడ్ లో బ్ల‌ఫ్ మాస్ట‌ర్‌, ఉమామ‌హేశ్వ‌రాయ ఉగ్ర‌రూప‌స్య వంటి విల‌క్ష‌ణ చిత్రాల్లో హీరోగా మెప్పించిన‌ సత్యదేవ్‌ తాజాగా తాను హీరోగా నటిస్తోన్న సినిమా తిమ్మరుసు. ఈ చిత్రానికి అసైన్‌మెంట్‌ వాలి అనేది ట్యాగ్‌లైన్. టాక్సీవాలా మూవీ ఫేమ్ ప్రియాంక జ‌వాల్క‌ర్ దీనిలో హీరోయిన్ గా నటిస్తుంది. ఈ చిత్రాన్ని మే 21న రిలీజ్ చేస్తున్నారు.

ఈస్ట్‌కోస్ట్‌ ప్రొడక్షన్స్ బ్యానర్ పై మహేశ్‌ కోనేరు‌తో పాటు ఎస్‌ ఒరిజినల్స్‌ బ్యానర్‌ పై సృజన్‌ ఎరబోలు ఈ సినిమాని నిర్మిస్తున్నారు.ఈ చిత్రానికి శరణ్‌ కొప్పిశెట్టి దర్శకత్వం వహిస్తున్నారు. సత్యదేవ్ ఈ చిత్రంలో పవర్ ఫుల్ లాయర్ గా నటిస్తున్నాడని నిర్మాత మహేశ్ కోనేరు చెప్పారు. సత్యదేవ్ లుక్‌, క్యారెక్టర్‌ డిజైనింగ్‌ చాలా సరికొత్తగా ఉంటుందని అన్నారు. ఈ సినిమాలో ఎంటర్‌టైన్మెంట్‌తో పాటు మంచి సందేశం తో కూడుకున్న కథ ఉందని దర్శకుడు శరణ్ కొప్పిశెట్టి చెప్పారు.