టాలీవుడ్ రౌడీ హీరో విజయ్ దేవరకొండ చివరిగా ఫ్యామిలీ స్టార్ సినిమాలో మెరిసిన సంగతి తెలిసిందే. కాగా భారీ అంచనాల నడుమ రిలీజ్ అయిన ఈ సినిమా యావరేజ్ టాక్‌ను సంపాదించుకుంది. దీంతో తన నెక్స్ట్ సినిమా ఎలాగైనా సక్సెస్ కొట్టాలని కసితో ఉన్నాడు విజయ్. ఈ క్రమంలోనే కింగ్డమ్ అనే వైవిధ్య‌మైన కథతో ఆడియన్స్‌ను పలకరించేందుకు సిద్ధమవుతున్నాడు. తాజాగా సినిమా నుంచి రిలీజ్ అయిన ఈ టీజర్ ప్రేక్షకులను ఆకట్టుకుంది. ఈ సినిమాకు గౌతం తిన్ననూరే దర్శకత్వం వహించిన సంగతి తెలిసిందే. చాలామంది సెలబ్రిటీస్, ఆడియన్స్ విజయ్ దేవరకొండను ప్రశంసిస్తున్నారు. ఇలాంటి క్రమంలో సినిమా టీజర్‌కు రష్మిక కూడా రియాక్ట్ అవుతూ.. విజయ్‌ను ప్రశంసించింది.
ప్రస్తుతం ఆ పోస్ట్ ట్రెండింగ్‌గా మారింది. రష్మిక.. అతను ఎప్పుడు ఏదో కొత్త తరహాలో, డిఫరెంట్ వేలో ఆలోచిస్తూ ఉంటాడు. ప్రతిసారి ఓ అద్భుతంతో ప్రేక్షకులను పలకరిస్తూ ఉంటాడు. విజయ్, నిన్ను చూసి చాలా గర్వంగా ఫీల్ అవుతున్న అంటూ రష్మిక ఓ ఇంట్రెస్టింగ్ పోస్ట్ ని షేర్ చేసుకుంది. ఈ పోస్ట్ కాస్త క్షణాల్లో వైరల్ గా మారడంతో రష్మిక పోస్ట్‌కు విజయ్ రిప్లై ఇచ్చాడు. ఈ క్రమంలోనే విజయ్, రష్మీకను ఏ ముద్దు పేరుతో పిలుస్తాడో కూడా రివీల్ చేశాడు. రష్మికను.. రుషి అంటూ సంబోధిస్తూ రిప్లై ఇవ్వడం ప్రస్తుతం ట్రెండింగ్‌గా మారింది.
ఇక ప్రస్తుతం యూట్యూబ్‌లో కింగ్డమ్ టీజర్ వ్యూస్‌తో రికార్డులు క్రియేట్ చేస్తుంది. ఈ ఏడది మే 31న గ్రాండ్గా రిలీజ్ కానున ఈ సినిమాకు.. తారక్ వాయిస్ ఓవర్ అందించడం మరింత హైలెట్గా నిలిచింది. తమిళ్‌లో సూర్య ఈ సినిమాకు వాయిస్ ఇవ్వ‌నున్నారట. అలాగే హిందీలో రాణ్‌బీర్‌ కపూర్ వాయిస్ ఓవర్ అని సమాచారం. యుద్ద నేపథ్యంతో సినిమా ఉన్నట్లు టీజర్ చూస్తే క్లారిటీ వస్తుంది. మరి ట్రైలర్ లో ఎలాంటి హైప్‌ క్రియేట్ అవుతుందో.. విజయ్ దేవరకొండ ఈ సినిమాతో ఎలాంటి రిజల్ట్ అందుకుంటాడో వేచి చూడాలి.