టాలీవుడ్ మెగా పవర్ స్టార్ రాంచరణ్ గేమ్ ఛేంజర్ తో సంక్రాంతి బరిలో దిగనున్న సంగతి తెలిసిందే. ఈ సినిమాతో ఎలాగైనా బ్లాక్ బస్టర్ కొట్టాలని గ్లోబల్ స్టార్ క‌సితో ఉన్నాడు. ఇక ఈ సినిమాల్లో త్రిబుల్ రోల్లో కనిపించేందుకు చరణ్ ఎంతో కష్టపడినట్లు క్లియర్‌గా అర్థమవుతుంది. ఇక.. ఇప్పటికే సినిమా ట్రైలర్‌ను లాంచ్ చేసిన మేకర్స్.. డిసెంబర్ ఫస్ట్ వీక్ నుంచి ప్రమోషన్స్ చేయడానికి సిద్ధమవుతున్నారు. భారీ లెవెల్లో ఈ సినిమా ప్రమోషన్స్ ఉండ‌నున్నాయని సమాచారం. ఇక మొదట అమెరికాలో భారీ ఈవెంట్ నిర్వహించనున్నట్లు టాక్. దానిపై ఇంకా కన్ఫర్మేషన్ రాలేదు.
అయితే చరణ్ గేమ్ ఛేంజర్‌లో ఓ పాత్రతో భారీ ట్విస్ట్ ఇవ‌నున్నాడ‌ట. ఈ మూవీలో చరణ్ పాత్రకు నత్తి ఉంటుందని.. చరణ్ ఓల్డ్ పాత్ర అప్పన్నకు నత్తి ఉండేలా క్యారెక్టర్ డిజైన్ చేశారని తెలుస్తుంది. ఇక గతంలో సుకుమార్ డైరెక్షన్లో చరణ్ హీరోగా వ‌చ్చిన రంగస్థలం సినిమా ఎలాంటి బ్లాక్ బాస్టర్ సక్సెస్ అందుకుందో తెలిసింది. ఈ సినిమాలో రామ్ చరణ్ పాత్రకు చెవుడు ఉంటుంది. ఆ మూవీలో నిజంగానే చెవుడు ఉన్న వ్యక్తిగ చరణ్ జీవించేసాడు. ఈ సినిమా తర్వాత చరణ్ క్రేజ్ మరింతగా పెరిగింది. ఈ సినిమా బ్లాక్ బస్టర్ సక్సెస్ అందుకోవడమే కాదు నాన్ థియేట్రికల్ బాహుబలి రికార్డులను కూడా బ్రేక్ చేసింది.
ఇక ఇప్పుడు గేమ్ ఛేంజర్ విషయంలోనూ చరణ్ ఇలాంటి సెంటిమెంట్ నే ఫాలో అవ్వాలని భావిస్తున్నాడట. అందుకే అప్పన్న పాత్రకు నత్తి ఉండేలా డిజైన్ చేయించాడని టాక్ నడుస్తుంది. ఈ వార్తలు నిజం ఎంతుందో తెలియదు గానీ.. నిజంగానే అప్పన్నగా నత్తి ఉన్న పాత్రలో చరణ్ నటించిన ఆడియన్స్‌ను ఆకట్టుకుంటే రంగస్థలం సెంటిమెంట్ వర్కౌట్ అయినట్టే. ఈ సినిమా కూడా బ్లాక్ బస్టర్ సక్సెస్ అందుకోవడం ఖాయం అంటూ అభిప్రాయాలు వ్యక్తమవుతున్నాయి.