ఐకాన్ స్టార్ అల్లు అర్జున్ ప్రస్తుతం నటిస్తున్న మూవీ పుష్ప 2. క్రియేటివ్ డైరెక్టర్ సుకుమార్ దర్శకత్వంలో ఈ మూవీ తెర‌కెక్కుతున్న సంగతి తెలిసిందే. మొదట బ్లాక్ బస్టర్ సక్సెస్ అందుకున్న పుష్పాకు సీక్వెల్ గా ఈ సినిమా తెరకెక్కుతుంది. ఈ సినిమాను మైత్రి మూవీ మేకర్స్ భారీ బ‌డ్జ‌ట్‌లో రూపొందిస్తున్నారు. ఈ సినిమా షూటింగ్ ప్రస్తుతం సర్వే గంగా జరుగుతుంది. దీనికి సంబంధించిన క్లైమాక్స్ షూటింగ్ జరుగుతున్న క్రమంలో డైరెక్టర్ సుకుమార్.. పుష్ప మూవీ కంటే భారీగా పుష్ప 2 సినిమా తెరకెక్కిస్తున్నారంటూ వార్తలు వైరల్ అవుతున్నాయి.
ఇక చివరిగా న‌టించిన పుష్ప మూవీ తో నేషనల్ వైడ్‌ గా పాపులారిటీ దక్కించుకున్నాడు బన్నీ. ఈ సినిమాకు గాను జాతీయ ఉత్తమ నటుడిగా నేషనల్ అవార్డు దక్కించుకున్న బన్నీ.. ఈ మూవీలో తన బాడీ లాంగ్వేజ్ తో హిందీ ఆడియన్స్‌కు మ‌రింత దగ్గరయ్యాడు. పుష్ప 2 కోసం బాలీవుడ్ ఆడియన్స్ కూడా ఎంతో ఆసక్తిగా ఎదురుచూస్తున్నారు. ఇక పుష్ప సినిమాతో అల్లు అర్జున్ కు వచ్చిన క్రేజ్‌ క్యాష్ చేసుకునే ప్రయత్నంలో ఎన్నో సంస్థలు పోటీ పడుతున్నాయి.
తాజాగా అల్లు అర్జున్ తో యాడ్ చేసేందుకు పలు ఆఫర్స్ వచ్చాయని.. అయితే కేవలం ఒక్క నిమిషం యాడ్లో నటించినందుకు రూ.10 కోట్ల ఇస్తామంటూ ఓ సంస్థ ఆఫర్ చేసినట్లు తెలుస్తుంది. అయితే అల్లు అర్జున్ రూ.10 కోట్లు కాదు రూ.100 కోట్లు ఇచ్చిన ఆ ఛాన్స్ నాకు వద్దు అంటూ కరాకండిగా చెప్పేసారట. అది టొబాకోకి సంబంధించిన యాడ్ అని తెలుస్తుంది. అలాంటి యాడ్స్ లో నటించడం ఇష్టం లేక అల్లు అర్జున్ నేను నటించన‌ని తెగేసి చెప్పినట్లు సమాచారం. ఈ న్యూస్ వైరల్ అవ్వ‌డంతో బన్నీ ఫ్యాన్స్.. అదీ బన్నీ క్యారెక్టర్ అంటూ.. మా బన్నీ ఎంత డబ్బు ఇచ్చినా ఇలాంటి చెత్త యాడ్లలో నటించడు అంటూ కామెంట్స్ చేస్తున్నారు ఫ్యాన్స్.