ప్రపంచ క్రికెట్ అభిమానులు ఎంతో ఆసక్తిగా ఎదురు చూస్తున్న వరల్డ్ కప్ ఫైనల్ మ్యాచ్ ఆదివారం జరగనుంది. గుజరాత్ లోని అహ్మదాబాద్ మైదానంలో మధ్యాహ్నం 2 గంటలకు ఇండియా, ఆస్ట్రేలియా తలపడనున్నాయి. ఇందుకోసం ఇప్పటికే అన్ని ఏర్పాట్లు కూడా చేసేశారు. ఈ మ్యాచ్ కోసం అభిమానులు ఎంతో ఆసక్తిగా ఎదురుచూస్తున్నారు. ఫైనల్స్ కావడంతో క్రికెట్ అభిమానులే కాదు.. అన్ని రంగాలకు చెందిన ప్రముఖులు సైతం ఈ మ్యాచ్ చూడడానికి వేయి కళ్ళతో ఎదురుచూస్తున్నారు.
ఈ నేపథ్యంలోనే ప్రపంచ విజేత టైటిల్ కోసం జరిగే ఈ మ్యాచ్ను వీక్షించేందుకు నరేంద్ర మోడీ సైతం హాజరవ్వనున్నట్లు సమాచారం. ఈ మ్యాచ్ కు ఈయన ముఖ్య అతిథిగా హాజరవ్వనున్నట్లు వార్తలు చెబుతున్నాయి. మోడీతో పాటు క్రికెట్ దిగ్గజాలు ఎమ్ఎస్ ధోని, కపిల్ దేవ్ కూడా ఈ మ్యాచ్ కు హాజరవ్వనున్నట్లు సమాచారం.
ఇక సినీ ఇండస్ట్రీ నుంచి కూడా అమితాబ్ బచ్చన్, రజనీకాంత్, రామ్ చరణ్, నాగార్జున, వెంకటేష్, మమ్ముట్టి, కమల్ హాసన్ ఇలా పలువురు ప్రముఖులు హాజరవ్వనున్నారు. ఈ మ్యాచ్ కి సినీ రంగం నుంచి ఎంతమంది పేర్లు హాజరవుతున్నప్పటికీ అందులో రజినీకాంత్, రామ్ చరణ్ పేర్లు మాత్రం స్పెషల్ అట్రాక్షన్ గా కనిపిస్తున్నాయి. ఇక ప్రస్తుతం ఈ వార్త సోషల్ మీడియాలో వైరల్ అవుతుంది .