బోల్డ్ బ్యూటీ సన్నీలియోన్.. మొదట అడల్ట్ చిత్రాల్లో నటించి తర్వాత మెల్లమెల్లగా సినిమాల్లోకి అడుగుపెట్టి న‌టిగా మంచి గుర్తింపు తెచ్చుకుంది. ఇక కరెంటు తీగ సినిమాతో తెలుగు ఇండస్ట్రీకి పరిచయమైన ఈ ముద్దుగుమ్మ ప్రీవియస్ గరుడవేగా, జిన్నా లాంటి తెలుగు సినిమాల్లో మెప్పించింది. తొలిసారిగా తెలుగు టెలివిజన్ చరిత్రలోనే తెలుగు మీడియం ఇస్కూల్ గేమ్ షో తో అడుగు పెట్టింది. ఈ షోకి సన్నీలియన్ జడ్జిగా వ్యవహరిస్తుంది.
దీనిలో యాంక‌ర్‌ రవి, డ్యాన్సర్ పండు తో పాటు అర్యానా గ్లోరీ, ఫైమా, అప్పల్ రాజు, నటుడు మహేష్ తదితరులు పాల్గొన్నారు. ఇక ఈ షోలో సన్నీలియోన్ తెలుగు సాంప్రదాయబద్ధంగా చీరకట్టుతో ఎంట్రీ ఇచ్చింది. ఇప్పటివరకు చూడని విధంగా ఈ షోను సరికొత్తగా డిజైన్ చేశారు. ఇందులో పలు దేశాలకు చెందిన లోకల్ టాలెంట్ ఆహ్వానించారు. ఆఫ్రికా ఐలాండ్, రష్యా, స్కాట్ ల్యాండ్, జపాన్, యూఎస్ఈ ఐదు దేశాలకు చెందిన 8 మందిని పిలిపించారు.
విదేశీయులతో తెలుగు బుల్లితెర సెలబ్రిటీలు జంటగా ఫన్ క్రియేట్ చేయబోతున్నారని విషయాన్ని ప్రోమో ద్వారా వెల్లడించారు. ఇక ఈ ప్రోమోతో షోపై మరింత హైస్‌ పెరిగింది. సన్నీలియోన్ కూడా సందర్భానుసారం తనదైన శైలిలో స్పందిస్తూ పంచులు పేల్చుతూ అలరించింది. ఇక మొదటి ఎపిసోడ్ అక్టోబర్ 8న రాత్రి 9 గంటలకు జీ తెలుగు, జీ సినిమాల్లో టెలికాస్ట్ అవుతుంది. అలాగే నెక్స్ట్ ఎపిసోడ్ అక్టోబర్ 15న రిలీజ్ చేస్తారు. ఇక ఈ షో రిలీజై ఎటువంటి రెస్పాన్స్ సాధిస్తుందో చూడాలి.