మెగా ఫ్యామిలీ నుంచి హీరోగా అరంగేట్రం చేసి తన ప్రతిభతో ప్రత్యేక గుర్తింపు తెచ్చుకున్నాడు సాయి ధరమ్ తేజ్. చిన్నప్పటినుంచి నటనపై ఆసక్తి ఉండడంతో హీరోగా అడుగుపెట్టాడు. పిల్లా నువ్వులేని జీవితం సినిమాతో వెండితెరకు పరిచయమయ్యాడు. ఆ తర్వాత సుబ్రహ్మణ్యం ఫర్ సేల్ , సుప్రీమ్, తిక్క వంటి చిత్రాల్లో నటించాడు.
అయితే బ్యాక్ టు బ్యాక్ సినిమాలతో హీరోగా దూసుకుపోతున్న సమయంలో తేజ్ బైక్ ప్రమాదానికి గురయ్యాడు. ఈ యాక్సిడెంట్ తేజ్ జీవితాన్ని పూర్తిగా మార్చేసింది. అయితే ప్రమాదం నుంచి కోలుకున్న తర్వాత తేజ్ మాట్లాడేందుకు కొన్ని రోజులపాటు ఇబ్బంది పడ్డాడు.. ఆ తర్వాత కొంతకాలం గ్యాప్ తీసుకుని ” విరూపాక్ష ” సినిమాతో రీ ఎంట్రీ ఇచ్చాడు.
ఈ మూవీ తేజ్ కు సాలిడ్ కం బ్యాక్ ఇచ్చిందనే చెప్పాలి. ఈ సినిమా బాక్స్ ఆఫీస్ వద్ద రూ. 100 కోట్లు కలెక్ట్ చేసి సూపర్ హిట్ అయింది. ఇక ప్రస్తుతం తేజ్ తన కొత్త ప్రాజెక్ట్ సంపత్ నందితో చేస్తున్నాడు. నేడు సాయి ధరమ్ తేజ్ తన 36వ పుట్టినరోజును జరుపుకుంటున్నారు.