ఐకాన్ స్టార్ అల్లు అర్జున్ ఉత్తమ నటుడుగా తెలుగు ఫిల్మ్ ఇండస్ట్రీలోనే హిస్టరీ క్రియేట్ చేసిన విషయం తెలిసిందే. కాగా ప్రతిష్టాత్మకమైన జాతీయ అవార్డును అందుకోవడానికి నిన్న (అక్టోబర్ 16 ) తన భార్య స్నేహా రెడ్డితో కలిసి ఆనందంగా ఢిల్లీకి బయలుదేరారు.
ఈరోజు ( అక్టోబర్ 17 ) జరిగే జాతీయ అవార్డు సెర్మనీలో.. రాష్ట్రపతి చేతుల మీదగా బన్నీ అవార్డు అందుకోబోతున్నాడు. దీంతో అల్లు అర్జున్ ఫ్యాన్స్ ఎంతోమంది ఆతృతగా ఎదురు చూస్తున్నారు. అల్లు అర్జున్ ప్రస్తుతం ” పుష్ప 2 ” సినిమా షూటింగ్లో ఫుల్ బిజీగా గడిపేస్తున్నాడు. ఇందులో రష్మిక మందన్న కథానాయకగా నటిస్తుండగా.. సునీల్, ఫహల్ ఫాజిల్ విలన్ పాత్రల్లో అలరించనున్నారు.
ఇక ఈ సినిమా 2024 ఆగస్టు 15వ తేదీన గ్రాండ్గా విడుదల కానుంది. ఈ సినిమా ప్రమోషన్స్ కూడా మూడు నెలల ముందే ప్రారంభించనున్నారని గతంలో మేకర్స్ ప్రకటించిన సంగతి తెలిసిందే. ఇక ఈ సినిమా పై బన్నీ ఫ్యాన్స్ తో పాటు ఆడియన్స్ లో కూడా మంచి అంచనాలు నెలకొన్నాయి.