మలయాళ చిత్ర పరిశ్రమ అగ్ర నటుడు మెగాస్టార్ మమ్ముట్టి కొడుకుగా చిత్రపరిశ్రమలో అడుగుపెట్టిన దుల్కర్ సల్మాన్ ఇప్పటివరకు లవర్ బాయ్ గా, ఫ్యామిలీ మెన్ తరహాలో సినిమాలు చేస్తూ వచ్చాడు. అయితే తన గత సినిమాలకు భిన్నంగా ఇప్పుడు కింగ్ ఆఫ్ కోత సినిమా మాత్రం పక్క మాస్ సినిమాగా రాబోతుంది. ఈ సినిమాలో దుల్కర్ కూడా పక్క యాక్షన్ హీరోగా కనిపించబోతున్నాడు.
ఈ సినిమాను అభిలాష్ జోషి దర్శకత్వం వహించగా ఐశ్వర్య లక్ష్మి ప్రధాన పాత్రలో నటించగా చెంబన్ వినోద్, షబీర్ (డ్యాన్స్ రోజ్), నైలా ఉష, షమ్మీ తిలకన్, శాంతి కృష్ణ, ప్రసన్న, గోకుల్ సురేష్, అనిఖా సురేంద్రన్, శరణ్ శక్తి మరియు అనేక ఇతర ప్రముఖ నటీనటులు కూడా ముఖ్యమైన పాత్రల్లో నటించారు.ఇక ఇప్పుడు తాజాగా ఈ సినిమాకు సంబంధించిన థియేట్రికల్ ట్రైలర్‌ను చిత్ర యూనిట్ విడుదల చేసింది.
యాక్షన్ సన్నివేశాలతో ట్రైలర్ ఎంతో పవర్ఫుల్ గా ఉంది. అదేవిధంగా ఈ ట్రైలర్‌ను చూస్తుంటే మరో కేజీఎఫ్ సినిమాను త్వరలో చూడబోతున్నాం అనే విధంగా సినిమా బ్యాక్ గ్రౌండ్ స్కోర్ డైలాగులు అదిరిపోయాయి.అనేక యాక్షన్ సన్నివేశాలతో ట్రైలర్ పవర్ ఫుల్‌గా ఉండగా ముఖ్యంగా ‘చిన్నప్పుడు రాజుకు ఒక్కటే కల ఉండేది. అతడి తండ్రి లాగానే అతడు కూడా పెద్ద గ్యాంగ్‌స్టర్ అవ్వాల‌నుకుంటాడు. రాజు ఒక‌ప్పుడు కోతకి మ‌హ‌రాజు’ అనే డైలాగ్ హైలెట్. మొత్తానికి దుల్కర్ సల్మాన్ ఫ్యాన్స్‌కు ఇది పెద్ద ట్రీట్ అని చెప్పాలి.