పవన్ కళ్యాణ్ అభిమానులు ఎంతో ఆత్రుతగా బ్రో ది అవతార్ సినిమా కోసం ఎదురుచూస్తున్నారు. ఈ నెల 28వ తేదీన ఈ సినిమా ప్రేక్షకుల ముందుకు రాబోతోంది. అయితే ఇప్పటికే ఈ సినిమాకు సంబంధించి టీజర్ మరియు రెండు పాటలు కూడా విడుదల కావడం జరిగింది. టీజర్ కి ఫ్యాన్స్ నుంచి అద్భుతమైన రెస్పాన్స్ రాగా పాటలకు మాత్రం పెద్దగా స్పందన రాలేదని తెలుస్తోంది. అభిమానులు మాత్రం ట్రైలర్ కోసం ఎదురుచూస్తున్నారు.
ఈవారం చివరిలో కానీ ఈ నెల 22వ తేదీ కానీ ప్రీ రిలీజ్ ఈవెంట్లో ట్రైలర్ ని విడుదల చేసే ఆలోచనలు చిత్ర బృందం ఉన్నట్లు తెలుస్తోంది. ఈ ట్రైలర్ చిత్రంపై అంచనాలు అమాంతం పెరిగిపోతాయని అభిమానులు భావిస్తున్నారు. ఇదంతా పక్కన పెడితే తాజాగా ఈ సినిమా గురించి సోషల్ మీడియాలో ఒక విషయం వైరల్ గా మారుతోంది. అదేమిటంటే ఈ సినిమాని వాయిదా వేసే ఆలోచనలు దర్శకనిర్మాతలు ఉన్నట్లు సమాచారం. ఈ విషయంపై ఇప్పటికే కూడా చర్చలు జరుగుతున్నాయని వార్తలు వినిపిస్తున్నాయి.
ఎందుకంటే ఈ చిత్రానికి సంబంధించి ఎడిటింగ్ వర్క్ ఇంకా పూర్తి కాలేదని రికార్డింగ్ కూడా పూర్తి కాలేదని దీనికి తోడు పవన్ కళ్యాణ్ తన పాత్రకు సంబంధించి డబ్బింగ్ కూడా ఇప్పటివరకు పూర్తి చేయలేదని సమాచారం. ఇలా పెండింగ్ వర్క్ ఉండడంతో హడావిడిగా ఈ చిత్రాన్ని విడుదల చేసే బదులు కాస్త మంచి క్వాలిటీ అవుట్ పుట్ తో మెయింటైన్ చేసి విడుదల చేస్తే బెటర్ అనే ఆలోచనలు దర్శక నిర్మాతలు ఉన్నట్లు సమాచారం. మరి ఈ సినిమా విడుదల తేదీపై ఎవరు క్లారిటీ ఇస్తారో చూడాలి మరి.