ముంబాయికి చెందిన వ్యాపారవేత్త గౌతమ్ కిచ్లూను వివాహం చేసుకుని గత ఎడాది పండంటి మగ బిడ్డకు జన్మనిచ్చిన కాజల్ అగర్వాల్.. ఇటీవలే మళ్లీ సెకండ్ ఇన్నింగ్స్ షురూ చేసిన సంగతి తెలిసిందే. పెళ్లై ఓ బిడ్డకు తల్లి అయినా సరే కాజల్ క్రేజ్ ఏ మాత్రం తగ్గలేదు. ఈ అమ్మడుకు వరుస ఆఫర్లు వస్తూనే ఉన్నాయి. ప్రస్తుతం కాజల్ నటసింహం నందమూరి బాలకృష్ణకు జోడిగా `భగవంత్ కేసరి` అనే సినిమాలో నటిస్తోంది.
అలాగే కోలీవుడ్ లో కమల్ హాసన్ కి జోడిగా `ఇండియన్ 2` లో భాగమైంది. వీటితో పాటు రీసెంట్ గా ఓ లేడీ ఓరియెంటెడ్ మూవీకి కమిట్ అయింది. అదే `సత్యభామ`. అఖిల్ డేగల దర్శకత్వం వహించనున్న ఈ చిత్రం అవురమ్ ఆర్ట్స్ బ్యానర్ పై నిర్మితం కానుంది. ఇందులో కాజల్ పవర్ ఫుల్ పోలీస్ ఆఫీసర్ పాత్రలో కనిపించబోతోంది. కాజల్ బర్త్డే సందర్భంగా నిన్న ఈ సినిమా టీజర్ ను విడుదల చేయగా.. దానికి విశేషమైన స్పందన లభించింది.
అయితే ఈ సినిమాకు కాజల్ తీసుకుంటున్న రెమ్యునరేషన్ ఇప్పుడు హాట్ టాపిక్ గా మారింది. ఇంతకుముందు వరకు రెండున్నర కోట్ల రేంజ్ లో రెమ్యూనరేషన్ పుచ్చుకున్న కాజల్.. ఈ సినిమాకు ఏకంగా రూ. 3.5 కోట్ల రేంజ్ లో ఛార్జ్ చేస్తుందట. అంతేకాదు, ఇకపై ఒప్పుకునే ప్రతి సినిమాలకు ఇదే స్థాయిలో రెమ్యునరేషన్ తీసుకుంటుందని వార్తలు వినిపిస్తున్నాయి. మరి ఇది ఎంత వరకు నిజం అన్నది తెలియాల్సి ఉంది.