ప్రణీత సుభాష్ గురించి కొత్త‌గా ప‌రిచ‌యాలు అక్క‌ర్లేదు. క‌న్నడ ప‌రిశ్ర‌మ‌లో స్టార్ హోదాను సంపాదించుకున్న ఈ బెంగుళూరు బ్యూటీ.. తెలుగులోనూ ప‌లు చిత్రాలు చేసింది. ఎన్టీఆర్‌, ప‌వ‌న్ క‌ళ్యాణ్ వంటి స్టార్ హీరోల‌తో స్క్రీన్ షేర్ చేసుకుంది.
అయితే ఇక్క‌డ స్టార్ స్టేట‌స్ ను మాత్రం ద‌క్కించుకోలేక‌పోయింది. కానీ, క‌న్న‌డ‌లో మాత్రం అగ్ర హీరోయిన్ గా చ‌క్రం తిప్పింది. ప్ర‌త్యేక‌మైన ఫ్యాన్ బేస్ ను సంపాదించుకుంది. 2021లో గ‌ప్‌చుప్‌గా బెంగళూరుకు చెందిన వ్యాపారవేత్త నితిన్‌ రాజుతో ఏడ‌డుగులు వేసింది.
ఈ దంప‌తుల‌కు గ‌త ఏడాది పండంటి ఆడబిడ్డ జన్మించింది. అయితే పెళ్లై ఓ బిడ్డ‌కు త‌ల్లైనా స‌రే త‌న అందం చెక్కు చెద‌ర‌లేద‌ని నిరూపించుకుని.. మ‌ళ్లీ వ‌రుస సినిమాల‌తో బిజీగా అవ్వ‌డానికి ప్రణీత గ‌ట్టిగానే ప్ర‌య‌త్నిస్తోంది.
ఇందులో భాగంగానే త‌ర‌చూ గ్లామ‌ర‌స్ ఫోటో షూట్ల‌తో నెట్టింట దూమారం రేపుతోంది. తాజాగా మ‌రోసారి అందాల విందు చేసింది. టాప్ లెస్ బ్లాక్ ఫ్రాక్ ధ‌రించి ప్రణీత ప‌రేషాన్ చేసింది.
ప్రణీత తాజా ఫోటోలు ప్ర‌స్తుతం నెట్టింట తెగ వైర‌ల్ అవుతున్నాయి. వీటిపై నెటిజ‌న్లు లైకులు, కామెంట్ల వ‌ర్షం కురిపిస్తున్నారు. చాలా మంది ఈ ఫోటోలు చూశాకా ప్రణీత ఒక బిడ్డ‌కు తల్లంటే న‌మ్మ‌గ‌ల‌మా అంటూ అభిప్రాయ‌ప‌డుతున్నారు.
