ప్రస్తుతం టాలీవుడ్ హీరోలకు హాట్ ఫేవరెట్ గా మారిన ముద్దుగుమ్మ శ్రీ లీల. మహేష్ బాబు నుంచి బాలయ్య వరకు అందరితో సినిమాలు చేస్తుంది. బాలయ్య అనిల్ రావిపూడి కాంబోలో NBK108లో బాల‌య్య‌కు కూతురుగా ఓ ప్రత్యేక పాత్రలో నటిస్తుంది. అయితే ఇప్పుడు ఈ సినిమా నుంచి ఓ అదిరిపోయే అప్డేట్ వైరల్ గా మారింది. అది ఏమిటంటే ఈ మూవీ కోసం ఓ మంచి మాస్ సాంగ్ షూటింగ్ ఈరోజు నుంచి రామోజీ ఫిలిం సిటీలో ప్రారంభిస్తున్నారట.
ఈ పాట కోసం ప్రత్యేకంగా ముంబై నుంచి డాన్సర్లను తీసుకొస్తున్నారట. అలాగే లోకల్ జూనియర్ ఆర్టిస్టులు ఇలా వందలాది మందితో ఈ ఊర మాస్ సాంగ్ తెరకెక్కించబోతున్నారు. ప్రత్యేకంగా ఈ పాట కోసమే నాలుగు నుంచి ఐదు రోజులపాటు షూటింగ్ జరగనుంది. ఈ సినిమాలో ఓ ఉత్సవం సందర్భంగా ఈ మాంచి మాస్ బీట్ వస్తుందని తెలుస్తోంది. థమన్ ఇచ్చిన ఓ మాస్ ట్యూన్ తో ఈ పాట సాగుతుంది.
ఈ ఒక్క పాట కోసం అయిదు కోట్లు ఖర్చు చేస్తున్నట్లు తెలుస్తోంది. అరేంజ్ మెంట్స్, కెమేరాలు, లైటింగ్, క్రేన్ ల దగ్గర నుంచి ముంబాయి డ్యాన్సర్లు , వాళ్ల ఫ్లయిట్ టికెట్ లు, అకామిడేషన్, ఫిలిం సిటీ ఫీజులు ఇలా సమస్త ఖర్చులు కలిపి అయిదు కోట్లు దాటేస్తుందట. ఈ సినిమాలో బాలయ్య సరసన కాజల్ నటిస్తోంది. శ్రీలీల పాత్ర ఏమిటి అన్నది మాత్రం సస్పెన్స్ గా వుంచారు. దసరాకు విడుదలవుతున్న ఈ సినిమాకు నిర్మాత సాహు గారపాటి.