యంగ్ టైగర్ ఎన్టీఆర్ నటిస్తున్న తాజా చిత్రం డైరెక్టర్ కొరటాల శివతో. ఈ సినిమా NTR -30 వ పేరుతో తెరకెక్కిస్తున్నారు. ఈ సినిమాకి ఇంకా టైటిల్ ని అనౌన్స్మెంట్ చేయలేదు. ఈ సినిమా అప్డేట్ కోసం అభిమానులు కూడా చాలా ఆత్రుతగా ఎదురు చూస్తున్నారు . ఈ సినిమా విడుదల తేదీని అనౌన్స్మెంట్ చేయడం జరిగింది వచ్చే ఏడాది ఏప్రిల్ 14న ఈ సినిమాని విడుదల చేయబోతున్నారు.ఈ సినిమా షూటింగ్ ఇంకా మొదలుకాకముందే పలు రకాలుగా వార్తలు వినిపిస్తూ ఉన్నాయి. ముఖ్యంగా ఎన్టీఆర్ RRR చిత్రంతో భారీ స్థాయిలో పాన్ ఇండియా హీరోగా పేరు పొందారు. ఈ చిత్రం ఇచ్చిన హిట్టుతో పాన్ ఇండియా లెవెల్లో తన తదుపరిచిత్రాలు ఉండే విధంగా ప్లాన్ చేస్తున్నారు ఎన్టీఆర్.
అందుకే డైరెక్టర్ కొరటాల శివతో తన 30వ సినిమాని కాస్త ఆలస్యమైన కూడా పాన్ ఇండియా లెవెల్లో ప్లాన్ చేస్తున్నారు.ఈ చిత్రంలో హీరోయిన్ విషయంపై ఇంకా క్లారిటీ రాలేదు. అయితే ఈ చిత్రంలో శ్రీదేవి కూతురు జాన్వీ కపూర్ నటించబోతున్నట్లు వార్తలు వినిపించాయి. ఈరోజున ఆమె బర్తడే సందర్భంగా ఈ సినిమా నుంచి అదిరిపోయే అప్డేట్ ఇవ్వబోతున్నట్లు వార్తలు వినిపిస్తున్నాయి. ఈ సినిమా ఎప్పుడు మొదలు పెడతారా అన్నట్లుగా అభిమానులు ఎదురుచూస్తున్నారు.
ఇక ఈ సినిమా షూటింగ్ మరో రెండు రోజుల్లో మొదలుపెట్టి ఆ తర్వాత ఎన్టీఆర్ అమెరికాకు వెళ్ళబోతున్నాడు.HCA అవార్డు అందుకునేందుకు అమెరికాకు వెళ్లబోతున్నట్లు తెలుస్తోంది. ఇక రాంచరణ్ కూడా ఈ అవార్డును ఆల్రెడీ అందుకున్నారు. ఎన్టీఆర్ సోదరుడు తారకరత్న మరణంతో ఎన్టీఆర్ కాస్త ఆలస్యంగా వెళుతున్నట్లు తెలుస్తోంది. మరి ఈ రోజున జాన్వీ కపూర్ సంబంధించి NTR -30 కి అదిరిపోయే అప్డేట్ ఇవ్వనున్నట్లు సమాచారం.