గత ఏడాది పండంటి మగబిడ్డకు జన్మనిచ్చిన టాలీవుడ్ చందమామ కాజల్ అగర్వాల్ రీఎంట్రీకి సిద్ధమైన సంగతి తెలిసిందే. ఇప్పటికే కోలీవుడ్ లో శంకర్, కమల్ హాజన్ కాంబినేషన్ లో రూపుదిద్దుకుంటున్న `ఇండియన్ 2` ప్రాజెక్ట్ లో భాగమైంది. అలాగే నందమూరి బాలకృష్ణ హీరోగా అనిల్ రావిపూడి తెరకెక్కిస్తున్న `ఎన్బీకే 108`లోనూ కాజల్ హీరోయిన్ గా ఎంపిక అయిందంటూ వార్తలు వస్తున్నాయి.
తాజాగా ఈ బ్యూటీ మరో సీనియర్ స్టార్ సినిమాకు ఒకే చెప్పిందట. ఇంతకీ ఆ హీరో మరెవరో కాదు టాలీవుడ్ కింగ్ నాగార్జున. ఈయన తన తదుపరి చిత్రాన్ని యంగ్ రైటర్ ప్రసన్నకుమార్ బెజవాడను దర్శకత్వంలో చేయబోతున్నాడని ఎప్పటి నుంచో వార్తలు వస్తున్నాయి. త్వరలోనే ఈ మూవీపై అఫీషియల్ అనౌన్స్మెంట్ రాబోతోంది. ప్రస్తుతం ప్రీ ప్రొడెక్షన్ పనులు శరవేగంగా జరుగుతున్నాయి. అయితే ఈ సినిమాలో నాగార్జుకు జోడీగా కాజల్ ను తీసుకున్నారట.
ఇప్పటికే సంప్రదింపులు సైతం పూర్తి అయ్యాయని అంటున్నారు. పైగా ఈ మూవీకి కాజల్ ఏకంగా రూ. 3 కోట్లు అడిగిందట. చుక్కల్లో రెమ్యునరేషన్ డిమాండ్ చేసినప్పటికీ.. సీనియర్ హీరోలకు ఉన్న హీరోయిన్ల కొరత కారణంగా ఆమె అడిగిన మొత్తం ఇచ్చేందుకు నిర్మాతలు ఓకే చెప్పారని టాక్. కాగా, నాగార్జున గత చిత్రం `ది ఘోస్ట్`లో మొదట కాజల్ అగర్వాల్నే హీరోయిన్గా ఎంపిక చేశారు. కానీ, షటింగ్ టైమ్కు కాజల్ గర్బం దాల్చడంతో.. ఆమె `ది ఘోస్ట్` నుంచి తప్పుకుని నాగార్జునకు హ్యాండిచ్చింది. ఇప్పుడు అదే హీరోకు మళ్లీ గ్రీన్ సిగ్నల్ ఇచ్చింది.