స్వయం కృషితో సినిమాల్లోకి వచ్చిన చిరంజీవి టాలీవుడ్ లోనే తనకంటూ ప్రత్యేకమైన ఇమేజ్ క్రియేట్ చేసుకుని టాలీవుడ్ మెగాస్టార్ గా పేరు తెచ్చుకున్నాడు. తన సినిమాలు కోసం అభిమానులు ఎదురు చూసేలా తనకంటూ ఓ ప్రత్యేకమైన అభిమానులను కూడా క్రియేట్ చేసుకున్నారు. ఆయన కెరియర్ లో ఎన్నో సూపర్ హిట్ సినిమాలలో నటించారు.
ఈ క్రమంలోనే చిరంజీవికి చూడాలని ఉంది సినిమాతో సూపర్ హిట్ ఇచ్చిన గుణశేఖర్.. తర్వాత చిరంజీవితో మృగరాజు సినిమా తీసి భారీ డిజాస్టర్ ను మూటగట్టుకున్నాడు. అయితే ఈ సినిమాకు సంబంధించిన ఓ అప్డేట్ ఇప్పుడు సోషల్ మీడియాలో వైరల్ గా మారింది. ఈ సినిమాను గుణశేఖర్ అడవి బ్యాక్ డ్రాప్ లో తెరకెక్కించాడు.
ఈ సినిమాలో చిరంజీవి సింహంతో ఫైటింగ్ సన్నివేశాలు కూడా ఉన్నాయి. ఈ సినిమా కోసం చిరంజీవి దాదాపు 150 రోజులకు పైగా డేట్స్ కూడా ఇచ్చాడు.ఈ సినిమాలో చిరంజీవికి జంటగా సిమ్రాన్, సంఘవి నటించారు. మెగా బ్రదర్ నాగబాబు ఒక కీలక పాత్రలో నటించారు. ఈ సినిమాకు మణిశర్మ మ్యూజిక్ అందించారు. భారీ బడ్జెట్ తో తీసిన ఈ సినిమాలో సింహం కోసమే చాలా వ‌ర‌కు ఖర్చు పెట్టారట. చిరంజీవితో దాదాపు ఆరు హిట్ సినిమాలు తీసిన కె దేవి వరప్రసాద్ ఈ సినిమాను ప్రొడ్యూస్ చేశారు.
అయితే ఈ సినిమా కోసం హాలీవుడ్ లో నటించిన జాక్ అనే సింహంని ఈ సినిమా కోసం తిసుకువ‌చ్చారు. ఇక సింహంతో చిరంజీవి దాదాపు 26 రోజులు పాటు షూటింగ్ చేసారు. ఈ సినిమా కోసం చిరంజీవి రోజుకు 20గంటలపాటు కష్టపడ్డారు. అయితే ఈ సినిమాలో చాయ్ వాలా సాంగ్ మిన‌హ, సినిమా డిజాస్టర్ గా మిగిలింది. అయితే ఈ సినిమాలో సింహం కోసం దాదాపు 67లక్షలకు పైగా బడ్జెట్ పెట్టారంట.