బండ్ల గణేష్ గురించి తెలుగు ప్రేక్షకులకు ప్రత్యేకించి చెప్పాల్సిన పనిలేదు. సినీ నటుడు, నిర్మాత బండ్ల గణేష్ పవర్ స్టార్ పవన్ కళ్యాణ్కి ఏ రేంజ్ వీరాభిమానో ప్రత్యేకించి చెప్పాల్సిన పనిలేదు. ఓ రకంగా బండ్ల ఆయనికి భక్తుడని కూడా చెప్పుకోవచ్చు. పవన్ కళ్యాణ్ మీద ఎవరైనా విమర్శలు చేస్తే, రంగంలోకి దిగిపోయి వారిని చెడామడా కడిగి పారేస్తాడు. అలా సోషల్ మీడియా వేదికగా బండ్ల గణేష్ తాజాగా స్పందించిన తీరు ఇపుడు సోషల్ మీడియాలో వివాదంగా మారింది. అయితే వివాదాలు మనోడికి కొత్తేమి కాదులెండి.
గతంలో కూడా పలు వ్యాఖ్యలు చేసి వివాదాల్లో చిక్కుకున్న ఘనత బండ్ల గణేష్ కి వుంది. ఈసారి ఓ బడా మీడియా సంస్థ అధినేతపైనా, ఓ సినీ జర్నలిస్టుపైనా ప్రశ్నాస్త్రం సంధించాడు బండ్ల గణేష్. అవును, విషయం ఏమంటే, ‘అన్స్టాపబుల్ షోలో తన భార్యల ప్రస్తావన తేవొద్దని పవన్ కళ్యాణ్ బాలయ్యను ప్రత్యేకంగా రిక్వెస్ట్ చేసినట్లు సమాచారం’ అన్నది ఆ సో కాల్డ్ వెబ్ సైట్ కథనం. ఆ సో కాల్డ్ వెబ్ సైట్ గురించి ప్రత్యేకించి చెప్పాల్సిన పనిలేదుకదా. మొత్తం స్టోరీ చదివితే మీకే అర్ధం అయిపోతుంది.
పవన్ కళ్యాణ్, బాలకృష్ణ తమ తమ సినిమాల షూటింగులు ఒకే చోట జరుగుతుండడంతో.. ఇద్దరూ తాజాగా కలుసుకున్న విషయం అందరికీ తెలిసినదే. కాగా ఈ సందర్భంపైనే ఆ వెబ్ సిటీలో ఓ కధనం వచ్చింది. కాగా త్వరలో పవన్, బాలయ్య షోకి విచ్చేస్తున్న సంగతి కూడా మీకు తెలుసు. ఈ నేపథ్యంలోనే బండ్ల ‘మీ భార్య గురించి వాళ్ళు ఎందుకు ప్రస్తావన తీసుకొస్తారు వెంకీ? నువ్వు అన్నా చెప్పు లేదా దేవీ ప్రియ!’ అంటూ వ్యంగ్యాస్త్రాలు సంధించాడు బండ్ల. దాంతో ఈ ట్వీట్ క్షణాల్లో వైరల్ అయ్యింది. ఇంతలోనే బండ్ల దాన్ని క్షణాల్లో తొలగించడం కొసమెరుపు.