`పేప‌ర్ బాయ్‌`తో ప్రేక్ష‌కుల‌ను ప‌ల‌క‌రించి `ఏక్ మినీ కథ`తో హిట్ అందుకున్న టాలీవుడ్ యంగ్ హీరో సంతోష్ శోభన్ ప్ర‌స్తుతం వ‌రుస సినిమాలు చేస్తున్నాడు. ఈయ‌న న‌టిస్తున్న చిత్రాల్లో `ప్రేమ్ కుమార్` ఒక‌టి. అభిషేక్ మహర్షి తెరకెక్కించిన ఈ చిత్రంలో రాశి సింగ్ హీరోయిన్‌గా నటిస్తోంది. శివ ప్రసాద్ పన్నీరు నిర్మిస్తున్న త్వ‌ర‌లోనే విడుద‌ల కాబోతోంది.
అయితే తాజాగా ఈ సినిమా గ్లింప్స్‌ను మేక‌ర్స్ విడుద‌ల చేశారు. ప్రధాన పాత్రలను పరిచయం చేస్తూ వ‌దిలిన ఈ గ్లింప్స్ ఆద్యంతం ఆకట్టుకుంటూ న‌వ్వులు పూయించింది. ఎన్ని పెళ్లి చూపులు చూసినా వ‌ధువు దొర‌క్క నానా తంటాలు ప‌డుతున్న చింతపిక్కల ప్రేమ్ కుమార్(సంతోష్ శోభన్)కు.. ఎట్ట‌కేల‌కు ఒక అమ్మాయి దొరికుతుంది
పెళ్లి వ‌ర‌కు వెళ్తుంది. కానీ, సరిగ్గా పెళ్లి సమయానికి వ‌ధువు లేచిపోతుంది. అస‌లు ఆ ఆమ్మాయి ఎందుకు వెళ్లిపోతుంది..? ప్రేమ్ కుమార్‌కు పెళ్లి అయిందా..? లేదా..? అన్న‌ది తెలియాలంటే సినిమా చూడాల్సిందే. మొత్తానికి సూప‌ర్ ఎంటర్టైనింగ్ గా మ‌రియు ఇంట్ర‌స్టింగ్ గా ఉన్న గ్లింప్స్ సినిమాపై మంచి అంచ‌నాల‌ను క్రియేట్ చేసింది. మ‌రి లేటెందుకూ మీరూ ఈ గ్లింప్స్‌పై ఓ లుక్కేసేయండి.