అక్కడ అమ్మాయి ఇక్కడ అబ్బాయి సినిమాతో తెలుగు ఇండ‌స్ట్రీలో అడుగు పెట్టిన ప‌వ‌ర్ స్టార్ పవన్ కళ్యాణ్.. అతి త‌క్కువ స‌మ‌యంలో సూప‌ర్ క్రేజ్ తెచ్చుకోవ‌డంతో పాటు ఎంద‌రో అభిమానుల‌ను కూడా సంపాదించుకున్నాడు. స్టార్ హీరో రేంజ్‌కు కూడా ఎదిగాడు.
రాజ‌కీయాల్లోకి కూడా ఎంట్రీ ఇచ్చాడు. ఇక ప్ర‌స్తుతం ఓ వైపు వ‌రుస సినిమాలు చేస్తేనే.. మ‌రోవైపు రాజ‌కీయాల్లో క్రియాశీల‌కంగా వ్య‌వ‌హ‌రిస్తున్నాడు. ఇదిలా ఉంటే.. పవన్ ఓల్డ్ పిక్ ఒక‌టి నెట్టింట వైర‌ల్‌గా మారింది. 90స్ అర్జున్ రెడ్డి లా ఉన్న పవన్ అన్ సీన్ పిక్ నిన్న రాత్రి నుంచి సోషల్ మీడియాలో తెగ ట్రెండ్ అవుతుంది.
దాన్ని మళ్లీ రకరకాల ఎడిట్స్ లో కూడా షేర్ చేసుకుంటూ పాత పవన్ ను అభిమానులు గుర్తు చేసుకుంటున్నారు. కాగా, ప్ర‌స్తుతం క్రిష్ దర్శకత్వంలో హరిహర వీరమల్లు, అయ్యప్పనుమ్ కోషియమ్ రీమేక్, హరీష్ శంకర్ దర్శకత్వంలో ఓ సినిమా చేస్తున్నాడు పవన్. వీటి తర్వాత మరో మూడు సినిమాలు కూడా లైన్ లో ఉన్నాయి.