బాలీవుడ్ అనగానే అందరికీ ముందుగా గుర్తొచ్చే పేరు అమితాబచ్చన్. ఆయన యాక్టింగ్తో నేషనల్ వైడ్గా అభిమానులను సంపాదించుకున్నారు. నటన అంటే ఆయనే అన్నట్టు ముద్ర వేశారు. బాలీవుడ్ మెగాస్టార్గా దశాబ్దాల పాటు ఇండియన్ సినీ ఇండస్ట్రీని ఏలారు ఆయన. ఈ రోజు ఆయన జీవితంలో ఒక స్పెషల్ డే.
జయా బచ్చన్ సరిగ్గా 48 ఏళ్ల క్రితం ఇదే రోజు జూన్ 3, 1973లో పెండ్లి చేసుకున్నారు. ఈ సందర్భంగా ఈ రోజు ఇన్స్టాగ్రామ్ వేదికగా అమితాబ్ ఓ అద్భుతమైన పోస్ట్ చేశారు. 48 ఏళ్ల క్రితం జరిగిన పెళ్లినాటి ఫొటోను అప్లోడ్ చేశారు. తమకు పెళ్లి రోజు శుభాకాంక్షలు తెలిపిన వారందరికీ ధన్యవాదాలు అంటూ క్యాప్షన్ జోడించారు. దీంతో ఈ పోస్టుకు ఆయన అభిమానులు తెగ కామెంట్లు చేస్తున్నారు. వారిద్దరికీ పెండ్లి రోజు శుభాకాంక్షలు చెబుతూ తెగ లైకులు కొడుతున్నారు. ఇక ఇదిలా ఉండగా.. ఇప్పుడు అమితాబచ్చన్ పలు సినిమాల్లో నటిస్తున్నారు. అయితే ఇప్పుడు కొవిడ్ కారణంగా అవి షూటింగ్ నిలిపివేశారు.